Bismillaahi Alraxmaan Alraxiim [A.S.C.W.R.W.B]

Dagaalka Iyo Colaadii,Haddii Laydin Dili Waayay,

Duni Nabada Gaadheen,Dadkuna Doortay Taladin,

Daayin Mahadnaqiisay Ahayd,Inaad Ku Deeqdaane,

Dib Maxawgu Celisen Colaad,Way Damqanayaane,

Dakharadii Horay Weli Qabaan,Doogta Nabarkiye,

Daryeel Iyo Waxay Doonayeen,Diirnax Loo Fidiyo,

Ka Dar Dibi Dhal Weeyaan,Inaad Laba Diblaysaane,

Duruufahay Qabaan Waxa U Dheer,Daayaciyo Ciil,

Dulmi Iyo Qabyaaladi Ma Aha,Dawlad Dhaqankeed,

Dalkeenani Badbaadu Rabaa,Doorkan Maanta Ahe,

Doorashada Haddii Aad Gashaan,Duul Kalaa Imane,

Duco Qaata Oo Naga Degoo,Dalabka Guud Dhawra.

Ismail Abdillahi Handuleh.