1. Xuquuqda haweenka iyo ubadka.

2. isbedelka cimilada iyo gaajo gaagmareebto ah oo waqeed aan dhicin, dhacayninna.

3. maalmaha qaramada midowbey. sida maalinta haweenka, maalinta shaqaalaha, maalinta beenta, maalinta jacaylka, maalinta naafada, maalinta afafka, maalinta, maalinta. Sii wad oo sii wad.

4. Shruucda qaramada midowbey sida ka saxaafadda, ka dagaalka, ka haweenka, ka deegaanka, ka diimaha, ka dimuqraadiyadda, ka dagaalada, haba ka hadhin ee sii daba dhuh-dhuhlee.

5. Erayada nabad ilaalin, cunaqabatayn, ku xadgudubka xuquuqda aadamiga, faragalinno silloon.

Waa waxaas waxa lu gu harowsado aadanaha siddeeda bilyan oo qof ka badan.

Waxa waxaas liijaanka u hayaana Maraykan iyo xertiisa ka soo kow, waa dabaqoodhiyo, horgalayaal, qaar inaga mid ah oo aan waligeen dan aynu leenahay ka talin, ee libraaliyadda, hantiwadaagga, silloonida, wahaabinimada ka shaqaysta oo ka bariiseeya.

Tollaay oo tollaay! Tollaay oo tollaay! Tollaay oo tollaay! Wadaad iyo aqoonyahan aan xor ahayni maxay Soomaali iyo duul sawrac lahaa dumiyeen!