Bismillaahi Alraxmaan Alraxiim {A.S.C.W.R.W.B]}

Tu Khaas Ahna Bahda H/W Iyo Akhristayaasha.

Dimuqraadinimo Iyo,Doorashoyinko Xor Ahba,

Dawladi Ay Ka Dhalata,Doorkan Lagu Haboona,

Dulmiga Iyo Eexdiyo,Dilalkan Sii Kordhaayana,

Daadanaayo Dhiigii,Dadkiina Khaati Joogaan,

Degdegba Looga Bixilaye,Dadaal Bay Rabtayo,

Dabagoosi Weeyee,Waxba Haw Dabaaldegina,

Dawlad Iyo Qaranimo,Dusha Kama Timaadee,

Daayin Haddii U Kuu Qoray,Dadkeedu Ku Siiya,

Duminteeda Kuwa Raba,Daaya’o Ha Qabanina

Daahaba U Soo Roga,Yaanay Kaba Danbaynine,

Dararta Iyo Xoorkiyo,Doobi Kuu Ka Qubanayo,

Daaya Aynu Aragnee,Hadday Diidayin Samaha.

Ismail Abdillahi Handuleh.