SALAAN GAAR AH BAHDA HADHWANAAGNEWS IYO AKHRISTAYAASHEEDA.

1-DAGAALKA MUSE LALA GALAY,DADKA WADA JIRKISIYO,

   DEGANAANSHAHEENIYO,WAXA LOO DAN LEEYAHAY,

   DUMINTA WEEYE NABADO,DIBADA IYO GUDAHABA,

   DABA INAY SUDHAANOOY,DUNIDU TAA DHEGAYSTAN.

2-DIFAAC WAXA KA DOOR ROON,WEERAR AAD DARUURTO,

    DUULAAN AAD QAADAAN,HADDAAN LAGUBA DEYNAYN,

    DOCODOCAYN COLAADEED,DADKOO LAYSKU DIRO IYO,

    BUDLAAN DABADA LAGA WADO,FADARAAL U SOO DIRO.

3-DERISNIMO LA DHAWRIYO,DULQAADKII WUXUU DHALAY,

    DUUL BAQAAYA INAD TAHAY,DUGSAN MAYNO CEEBTAA,

    DAKHARADAAN DHAYEYNIYO,LAYSKA DIIDAY NABADII,

    DOONTAA IYO NECBAATABA,DAGAAL LAMA HURAAYO.

4-DIYAAR WAXA U NOQOTAAN,DIRIRTA IYO COLAADAA,

    DABKA INAYDUN QAADAAN,WAXII DUMAYA YEELKIIS.

    DIIRIYAA MAR KALE KACAY,DURBAANKII COLAADIYO,

    DARAMALKII GARAACO,DAAWAN MAYNO FOOLXUMO.

5-ADDEERKII WIXII DILAY,QARANIMADI DUMMIYUU,

    WELI DABA SOCDAAYO,DIGNIINIYO,TALABA DIID,

    DOQONIIMO WAA BELO,DAWGAL WEEYE SHAYDAN,

    ALLE DOORI MOOYEE,GARATE DOODAN AAN QORAY.

                ISMAIL ABDILLAHI HANDULEH.