BISMILAAHI ALRAXMAAN ALRAXIIM.(ASCWRWB)

SALAAN GAAR AH BAHDA HADHWANAAGNEWS IYO AKHRISTAYAASHEEDA.

1-COLAADA CEEL-AFWEYN,CIIDAN KALA DHEXGALIYO,CAQLI LOOMA WAAYINE,

CIDHIBTAY MEEL KU HAYSA,DUUL CADKOODA CUNAYO,KU CEESHAAYABA JIRA,

CASHIIRIYO WALAALNIMO,CEEBAWDAY QARANIMO,CAYNKAN HADDAY KU SOCOTO,

CITIRAAF HAYGA JOOGEE,WAABA KALA CAROWOO,CALANKAA LA ROGAYAA.

2-CIRKAAN ROOB KA IMANAYN,CUUD BAAN LA DHAQANAYN,CAANAAN LA MAALAYN,

QAAR CUMAAMAD DUUBTIYO,XISBI LOO CODEEYIYO,CISI BAAN LA HELAHAYN,

CADAWGAAD U NECEBTAA,CIYAARGUD KUUGU IMANO,CIDI WAABIN KARAHAYN,

CIIL KAMA KORE TOLKAYOW,CAQLIGAAN SHAQAYNOO,IDINKAYSU CUDUD WEYN.

3-COLAADO WAY DHACAANO,CAADO WEEYE SOO JIRA,TANISE WAA CAD GUNIMO,

CAMAL WEEYE SHAYDAAN,CEESH LABA WADAAGOON,CEERYAANI KALA QARIN,

CARABKA IYO DAANKOO,CAAR IYO WALAALO AH,UBADKOODI CUNAYOON,

CULIMO IYO DIINIYO,CUQAALIYO SULAADIIN,AAN CIDNABA AQBALAHAYN.

4-RAGGA CEELAFWEYNEE,CAARIYO BUURMADOOWOW,CADDAAN ANIGA OON HAYN,

CANAAN BAYDIN SAARANE,CIIDAMADA AYDIN LEEDIN,CIMRI BAYDIN JOOGTAAN,

CEEB GURIGA KUU TAAL,MEEL LOOGA CARARIYO,CIIRSI UMA HELAYSAANE,

CARUURU INAY BADBAADAN,CUNUFKAAS BAKHTIIYOO,KA CABSADA ILAAHAY,

ISMAIL ABDILLAHI HANDULEH.