Barri Iyo Saadam-Baad Lumi
Gabaygan oo magaciisu yahay "Barri iyo Saadam-baad Lumi", ayaa waxa uu Abwaan Cali Haybe Cige kaga warramaaya sooyaalkii taariikheed ee Ummadda reer Somaliland soo martay, iyo dhibaatooyinkii tirada badnaa ee ay ummadda reer Somaliland kala kulantay midnimaddii ay sannadkii 1960kii la middoobeen Koonfurtii Soomaaliya, iyo waliba sidii dhibka badnayd ee ay dib ugala soo noqdeen xorriyadoodii.
Gabagaygan ayaa waxa uu odhanayaa sidan:-
Lixdankii la dhaaf iyo kolkaynu luminay guushii
Waataynu barei loofarnay ee liidnay talladii
Laba dawladdood iyo israac waa waxay luraye
Lugteenaynu eedniyo qalbiga keen laxiibka ahe
Libmashaa la gallay dhiidhi iyo lidiq xanuun weyne
Labac darartay waatay dhashaye laaluf daaqsadaye
Waataye lakuud iyo dar baash laba-dibleeyeene
Laboodigu xageenuu ka jiray lib isku diidaaye
Hebel yaanu leden, yaanu liqin hebel u laan sheego
Laba aabbaheen wada dhalay baa laalay xaajada
Nin walaalkii laag dheer u qoday liite tallo waa
Lool qabiil baa lalabay leexo geediga'e
Nimaan aabbihii loolin jiray oo layli raran waayey
Nacasyaa ladaabtay iyo kuwaa damal u loogteen
Lagdintii jabnoo dawladdii laanta lagu duugye
Wixii aan lahayn iyo xorriyad leefa baa timiye
Layn iyo dil bay noo xiggiyo luqun jabkeeniiye
Markii waranka laynagu ligligay leebabkiyo seefta
Ee lawlaw iyo geesiyaal gumuc la leefsiiyey
Ee leexsanaan iyo badheedh laqan ku ruux-waayey
Ee luuq xabaal wadar dadkii loogu liqay boodhka
Ayey danni lahee tidhi waxaad lumisay raacdeeyey
Ladqabiyo la diid nabaddii iyo luuqad hadaleed
Laf waliba lafteeday kabtiyo ladhan xigaalkeed
Labiskiyo xaragadii luntay laafyo quruxeed
Laguug ka kacay fiolxumiyo laaqi hadalkiiye
Waxa loo halgamay geedi dheer liifad dirireed
Laxaad iyo dagaal la hurray lug iyo duulaan
Liibaanta Somaliland iyo laabashada gaarka
Waa calankan laagaha qurxoon libinta tawxiide.
Afartaa la'diyo Wow ku qoray, luuq kalaan tabine
Taariikhda lama leexin karo loox maxfuud qoraye
Way ligantay Soomaali weyn laab mid ku hayow'e
Xadhigii lamaaha tidcaday laago faraqowye
Allaylehe lix haw kala go'do luuqba qoon deggo'e
Anagiyo kuwii kala lunay dhiiga laacsaday
Dib u laabashiyo waa wax hadhay laban lagdoodkiiye
Tallana laba-labayn diidayoo goonidaa u ladane
Lullo iyo ninkii qaraw hayow laagu kuu qodane
Looxay ku taalaa sharciga looliyoow dhaqane
Labeentii qur'aankiyo sunnihi wuu liboon yahay
Labqa beena niman baa akhriya leexday waa horre
Loox duurayaal iyo kasyare leeda-fuul raraye
Laashuushka shaydaan dar cunay way ka leelami
Dadkuna waa lilaahi iyo kufaar dani labaysaaye
Waxa loo laqimay waa tabaha laysku laayaa
Lacag iyo aduun iyo hunguri lagu likaacoo
Ummaddahan laguugaa khalqigan labada caynooda
Lugta iyo xujadunwaa gucliyo laba wadaalaye
Caqligii lumbaday baadinimo noqay laciinkii
Halkii aayaddaha lagu bedelay ee lagu lawaagaayey
Labka iyo haweenkii la simay labadii uumood-ba
Culimaddii lalaayiyo gafbaa laalan ooggada
Godobaa lubiyan koonfur iyo dayn ku laabudan
Dhiig bay ladaabteen hilbiyo laxan adoomeede
Walee laguma lado baadilkii laalufka ahaaye
Lawyadu dar ay jaban yihiin oo laab la sara jooga
Nin labaatan jiray baan loohadkii shalaye
Laacbaa sakaarada hodiyo laamo dhagareede
Lugta xadhiga loo daadiyey ee liilan lagu jiidye
Lahjadiyo dhawaaqyada baxaye taarku lalinaayo
Mar horrey libaax iyo dad qaad ubad lafaysteene
Maantana da'yarahay lululi oy leegada u tumi
Labanlaab adoogood xulkii liido lagu aasay
Lilmadii yaxaaskiyo afkii liqayey weeyaane.
Afartaa la'diyo Wow ku qoray, luuq kalaan tabine
Nacaskii laleemada asqada looli ku habaabay
Ee oog lalaba loo shidaye meel fog uga laacday
Labadii dibnood wuxuu u furay hadal u laabnaaye
Laye wuxuu ku naaq yidhi la' iyo la'alihiisiye
Maxaa layga soo heli barriyo saadambaan lumiye
Laanteenu maamkuu lahaa ee maduhu liideeyey
Laan madaxbanaan weeye oo laydhka loo shidaye
Labaatan iyo lixdii Juune xorriyad nalagu maamuusye
annagaa lahayn tay jahligu laba gacmood sheene
Mar labaad lib-baa lagu hantoo laabatoo timi
Milatari u laylyani ku meer luuqa goonyaha'e
Lidka iyo gantaalaha rakibe cadawna leex duurye
Lakigiyo nasiibkeena wacan lulanay iimaane
Labxadiyo caloosha isku fura wadda labaysaane
Lulumaha qabiil yey cadaab law idiin dhigin
Xilkan loo lahiimsaday kursigan la isku laynaayo
Nin la saarayoo tallo aduun lagu mihiimsiiye
Adigiyo intii kula lugee fikir lamaanoobay
Xaajada allaa loo ceshaa diin la laasimo'e
Waxkastoo kitaab laga ifayn waa laqiyo beene
Lahan iyo haraad kama baxaan duul ka leexsaniye
Luu'aansigii shalay jidkii lagu lu'aashoobay
Lalabiyo hayaan haw hadfina lalashtankoodiiye
Liilaaf watiin iyo iqriyo laamamka u dagga
Laa'ilaaha ila-laah Muxamedkii lagu lamaaneeyey
Lugtuu dhigay waddadu waa sunnihiinood ku libidhaane
Annana laba shubaalaha ducada laagan naga hooyo
Laxihiyo daruuraha ha koro lu'annay khayrkiiye
Afartaa la'diyo Wow ku qoray, ee waxaan kusoo laabay
Laangadhihii cadaw kaama tagin oo libiqsan maayaane
Lafihii maroodi isku jabi yuu ladaabsadaye
Laba eefku waa khaayin nimo laba wajiiluuye
Galti laabta lala leeyahoow guul kumaadine
Libdhadaa tagtee waxaad tihiin liiqa sii dhige
Annaguna lisaanka iyo xaqaan laba lisaynaaye
Waxaan laaca sii daawanaa labac jannaadeede
Ha ka lumina laamabado ifiyo laaska budhudheed.
Abwaan Cali Haybe Cige
Mobile: 0634429279
Hargeysa/Somaliland
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!