Musuq-maasuqu ma dhaqankeenii ayuu ka mid noqday ? Cali Biixi
Ururka la gaalanka musuqmaasuqa aduunka ayaa soo saaray warbixin tiisii sanadkii ina soo dhaafey 2023 kii .
waxa kaalinta koobaad qaatey dalka Somaliya koonfureed oo noqday dalka aduunka ugu musuqmaasuqa badan .
193 dawladood oo UN-ta ku jira ayuu number wanka qaatay .
Kaalinta labaad waxa galey dalka Ciraaq oo noqday dalka ugu laaluushka badan .
Dalalka ugu musuqmaasuqa yarna , waxaa ka mid ahaa Shiinaha , S.Korea iyo dalalka finaland- sweden -norway .
Dalka Somaliland waa ka waayay liiska , oo waxan u malaynayaa inay laaluusheen ururkii qoraalkan soo saaray oo ay ku yidhaahdeen anagu ICTIRAAF dawliya ma haysannee ha nagu darin .
Waxa cad in dalalka aanu musuqmaasuqu iyo laaluushku ay ku yar yihiin
dalalka horumarka dhaqaale ka jiro . halka kuwa laaluushku iyo musuqmaasuqu ku badan yahay uu horumarku iyo dhaqaale xumadu ay ku habsatay .
Hadaba musuqmaasuqu iyo laaluushku ma iyagaa dibudhaca iyo faqriga keena ?
mise dibudhaca iyo fakhrigaa musuqmaasuqa keena ?
Jawaabtu way noo wada caddahay : oo haddaynu dib u jaleecno somaliyada koonfureed iyo Somaliy iyo Somaliland , waxa ka jiray weligeedba musuqmaasuq – laaluush – akhlaaq xumo fara badan oo ay weliba ku soo barbaareen ,oo gumaystihii talyaaniga iyo ingiriisku ay ka dhaxleen .
Sidaa awgeed musuqmaasuqu – laaluushku- dhacu – boobku iyo tuugadu ba iyo lunsiga hantida qaranka , waxay u noqotay dhaqan , waanay sharciyaysteen .
Waxaanay noqdeen dhaqan lawada ogol yahay , oo raalli laga wada yahay .
sida baayac mushtariga oo kale – ganacsiga – beeraha .
Bal waxaad iswaydiisaa imisaa qof mas'uul ah oo aad garanayso lagu helay denbi uu galay , (musuqmaasuq ama tuugo hanti qaran ama laaluush lagu qabtay ) oo shaqadiisii lagaga eryay , oo weliba la xukumay , kabacdina laxidhay , Halkii ay ahayd in lagooyo oo lakarantiimeeyo ayaa waxa dhici jirtay , in la arki jiray dad badan oo u xaglinaaya in lasoo daayo , oo weliba meeshii uu denbiga ka galay lagu celiyo amaba la dalacsiiyoba .
Imisaynu aragnay arimahaas oo kale oo dhacay , bulsho badanina arintaa ceeb ba umay arki jirin ,
la manay yaabi jirin
IMINKANA ARIMAHAAS IYO QAAR KALE OO KA DARAN AYAA SOMALILAND KA DHACA . DHAQAN XUMADAAS OO AYNU SOO XANBAARANAY .
Waxaad arkaysaa wiil gabadh soo doonay oo la odhanaayo mushahaaradiisu waa £200 oo dollar , laakiin waxa soo gala £2000 oo dollar , oo waa wiil xariifa ah.
Waxaynu si toos ah u qiranaynaa oo u aqbalnay oo u sharciyaysanay ,in uu musuqmaasuqu iyo laaluushku dhaqankeena ka mid noqday .
Waxaynu iminka caadaysanay oo aan lala yaabin qofka ku kaca musuqmaasuqa iyo laaluushka , waana arin nasiib darro ah inaynu xaaraantii xalaalay sano .
Waa ayaan darro , ee aynu dib isu xisaabinno intaan layna xisaabin , oo aynu xaaraanta layaabno iyo ciddii ku kacdaba oo aynu karantiimayno ciddii lagu helo ama lagu maqloba akhlaad xumadaa , oo aynu iska dhexsaarno ciddii dhaqankaa lagu arko ama lagu qabto .
Oo aynu meel uga soo wada jeesanno ciddii dhaqan xumadaa la timaada .
Hadii kale faqrigaas iyo maamul xumadaas iyo wax qabad la'aantaas iyo silicaas ayuu dadkeenu iyo dalkeenu ku jirayaan weligood .
Adiga ayay kuu taalaa ,
Ee is xukun???
CaliBiixi
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!