Dameer Dameer dhalay ahaw . (Cali Biixi)

0
Saturday February 03, 2024 - 18:18:44 in Articles by Xaaji Faysal
  • Visits: 548
  • (Rating 0.0/5 Stars) Total Votes: 0
  • 0 0
  • Share via Social Media

    Dameer Dameer dhalay ahaw . (Cali Biixi)

    Dameer Dameer dhalay oo xalaal ah oo caqliga Dameeraha ku fekerto.

    Share on Twitter Share on facebook Share on Digg Share on Stumbleupon Share on Delicious Share on Google Plus

Dameer Dameer dhalay oo xalaal ah oo caqliga Dameeraha ku fekerto.


 

Meel Dameeraha lagu xareeyo oo kuwa yaryari ay ku nool yihiin , ayaa maalin maalmaha ka mid ah .

Dameer yar ayaa cunta joojin sameeyay .


 

Dameerkii yaraa ,ayaa dhuubtay oo xaaladiisu iyo caafimaadkiisu aad u xumaadeen oo xaaladiisa nafsiga ahi aad u xumaatay.

Oo 2-dii dhegood hoos u dhaceen , oo taagnaan karayn.

 

Maalintii danbe ayaa Aabihii Dameerka ahaa u yimi oo waydiiyay Dameerkii yaraa ee uu dhalay :

*Aabbo maxaa ku helay ee aad wax u cuni wayday , wax kasta oo fiican iyo caws kasta oo fiican , waan kuu keenay?

Ee maxaa ku helay , ee naftaada dhibay .

Ii sheeg Aabbo?

*Ma cidbaa ku maagtay? *Ma cidbaa wax kugu samaysay?

 

*Haa Aabbo oo dad baan ka amaan waayay (bashar ah) .

*Inta uu Aabihii Dameerka ahaa ayuu yidhi :

*Oo maxaa basharku (dadku) kugu sameeyeen?

 

*dadku way na caayaan, oo way na dhaliilaan , oo way na xaqiraan , oo way na yasaan.

* Aabihii Dameerka ahaa ayaa waydiiyay: *siday ku dhacdaa arintaasu?

 

Dameerkii yaraa , ayaa yidhi : *miyaanad arkayn waxa ay isku caayaan ( waar Dameer yahaw) iyo markasta oo qof qalad sameeyo ( waar ma Dameer ayaad tahay) ,

*Ma sidaas ayaynu nahay doqmada ah?

*Sidaas ma nihin.

*Waxaynu u shaqeynaa

Si daacad ah oo aynaan nasanin , oo wax kasta waynu fahanaa , oo dareen ayaynu leenahay wanaagsan,

 

*Aabihii Dameerka weyn ahaa , ayaa yaabay oo wax uu ugu jawaabo garan waayay kiisii yaraa oo xaaladiisu sidan u xuntahay.

*Kadibna inta uu 2-diisii dhegood dhaq dhaqaajiyay midig iyo bidix ayuu ku yidhi , isaga oo garaadkii iyo caqligii Dameeraha oo sida ay wax u fahmaan ula hadlaaya .

Waxa uu ku yidhi:

*bal dhegeyso oo maqal hadalkayga oo miisaan: (Basharka) dadka ilaahay baa abuuray oo ka doortay waxa dunida ku nool oo dhan oo mas'uuliyad ka saaray.

*Laakiin iyaga ayaa wax badan is-yeelay oo xumaan badan sameeyay,

Inta aanay Inaga (Dameeraha)soo gaadin .

* miyaad aragtay Dameer xadaaya Dameer kale cuntadiisa?

* miyaad aragtay Dameer dilaaya Dameer kale oo ka itaal yar?

* miyaad aragtay Dameer qabyaaladaynaaya Dameer kale, oo yidhaahda ( isku qolo ma nihin)?

* miyaad aragtay Dameer leh Dameerkaasu inala qolo maaha ?

* miyaad aragtay Dameero shiraaya oo u shiraaya in ay qaar kale ku duulaan oo laayaan oo soo boobaan ?

Oo guryahooda iyo dumarkooda iyo caruurtooda ka soo laayaan?

* miyaad aragtay Dameer reer hebel oo qorsheynaaya in ay ku duulaan Dameeraha reer hebel oo raashin ka soo dhacaan?

* miyaad aragtay Dameera basaasaaya Dameeraha kale oo cid kale u basaasaaya?

* miyaad aragtay Dameer u shaqeeya dal kale, oo aan ahayn dalka uu ku nool yahay?

* miyaad aragtay Dameer u kala qeybinaaya Dameeraha , kaasu waa xisbigaa ama kooxdaas ?

 

Hadaba weligaa kumaad maqal kumanaad arag ,

wax yaabahan dadku sameeyaan ee isku sameeyaan , caalamka iyo nolosa Dameeraha .

 

laakiin hadaba ma garanayaan dadku waxa ilaahay uu uga dhigay dunida Khaliifa oo uu mas'uulka uga dhigay xikmada ku jirta?

 

*Sidaa awgeed Aabbo

Waxaan doonayaa in aad caqligaaga fiican ee caafimaadka qaba ,

Aad ku fekerto oo isticmaasho. caqligaaga Dameer nimo oo aad aniga iyo hooyadaa aad maqasho oo aad ahaato :

Dameer Dameer dhalay oo xalaal ah oo caqliga Dameeraha ku fekerto.

 

 

Cali Biixi


AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!

Loading...
Loading...