Bismillaahi Alraxmaan Alraxiim [A.S.C.W.R.W.B]

Tu Khaas Ahna Bahda H/W Iyo Akhristayaasha.

Dagaaliyo Walaalnimo,Doorta Kaad Rabtaano,

Cidna Haw Danayninae,Duulaan Kaydin Qaadan,

Yaanu Dacar Qadhaiyo,Debaaqiyo Sun Noqono,

Dawladaha Aduunyada,Dacwadiinu Yay Teginun,

Danta Lagama Boodee,Durbaanka Iyo Qayladan,

Daaya Hadalka Diifta Leh,Derskana Ha Maagina,

Anagawgu Deeqnayo,Dantayada Ka Aragnaye,

Dalkan Xoog Kumay Iman,Dibna Ugama Tegayan,

Idin Duraantay Dhaaxee,Sowtaad Na Diideeneed,

Dad Aydin Leedahiiniyo,Daayaca Nagu Tilmaanten,

Dabkii Baydin Gaadhayo,Durba Waad Dareenteen,

Ismail Abdillahi Handuleh.