Wefdi Malaa'iigta (CS) Ka Socda Oo Somaliland Xaqiiqo Raadis U Yimi .
Malaa'iigtii
ayaa waxay aragtay Ibliis iyo shayaadiin-tiisii oo Somaliland ka huleelay,
iskagana qaxay, baxay oo ka dhoofay. Horena uma dhicin in ibliis iyo
shayaadiin-tiisu dal ka wada baxaan.
Sabab-tuna
tahay waxay u heelan yihiin sidii ay dadka u fasahaadin lahaayeen, oo denbiyo u
gelin lahaayeen, si ay Jahanama ugu hubsadaan, ka dib malaa"iigtii (cs)
waxay ka yaabeen arin-taas.
Waxay-na
arki waayeen kheyr laga soo sheegaayo madaxda dal-kaas oo laga soo gudbinaayo.
Arintu markay halkaa marasay bay waxay is waydiiyeen in ay soo ogaadaan sababta
keentay in ibliis iyo shayaadiin-tiisii iskaga baxaan dal-kaas isaga ah.
Ka
dib Guddi Xaqiiqo raadis ah ayey u soo direen Somaliland taas oo baadha, ogaa-tana
waxa ibliis iyo ciidamadiisii uga baxeen ee uga hadheen madaxdii dal-kaasi.
Waxay ogaadeen markii war-bixintii laga soo gudbinaayey ay akhriyeen ee arkeen,
in ay shaqadii ibliis iyo shayaadiin-tiisa cid kale kala wareegtay oo u hayso.
shaqadii ay qaban lahaayeen.
Waxay
akhriyeen war-bixintii askariga " Xaafad-Tooyadda" ee ay shaqaddii ku
wareejiyeen laga soo gudbiyey, gacan
yara-hiisa Geenyo-Shaaximan iyo Saleebaan Gaal maamulka ay madaxda dalka ka yihiin caynka iyo qaabka ay wax wadaan.
Waxay-na
ka waayeen war-bixintii erey qudha oo kheyr ah, wax maqal,naf ay ummadda
hayaan, ka feker dan guud iyo Wanaag ah oo faa'iido u leh ifka iyo aakhiro iyo
bulshada halkaas ku dhaqan ee muslimka ah.
Denbiyo
wada waaweyn oo lagu gelaayo Naarta ta u hooseysa . Oo ay bulshada ay xukumaan
ka geleyaan, kuwaas oo aanay ka galabsan ummadaasi, oo tahay in ay iyaka uun
dab ka dhex oogaan gabal iyo waa beryaba : dhiig,dil, dhaawac, xadhig, cadaalad
daro, laaluush,dhac, eex, kibir, isla weyni aanay wax-ba uga hoosayn dulmi fara
badan oo aan la soo koobi karin iyo wax kastoo xun oo farxad gelinta ibliis iyo
shaqaadiin-tiisa ay wada sameynayaan
waa
ficilo sheydaan iyo farsamadoo-diiye. Gudidii Xaqiiqo Raadiska ee u timi :
Waxay
ogaadeen in aanay u hadhin ibliis iyo shayaadiin-tiisiia, shaqo ay ka qabtaan
halkan aanay haba-yaraatee u oolin.
Laakiin shaqadoodii ay cid kaloo u tabarani ay u
hayso, loogana baahnayn iyaku in ay sii joogaan.
Intaa
ka dibna waxay war-bixintii u gudbiyeen Malag Israafiil (cs) oo Malakul-Mawdka ah (Malaga Dadka Nafta
ka qabta ) oo ay arimahan la socod siiyeen.
Iyo
sidii wax looga qaban lahaa, ilayn lama arag, lamana maqal, Ibliis iyo
arday-diisii oo wadan dhan isakaga baxaye, waayey-na shaqo ay qabtaan.
Malakul-mawdkiina (Israafiil cs) waxa uu u sii gudbiyay 19 malag ee Zabaaniyada
ahaa (waa malaa'iigta Jahanama ilaaliya) in ay u sii diyaariyaan Nimankan
daalimiinta ah cadaab weyn.
Oo ay
ku daraan naarta, halka Fircoon, Haamaan, Nimruud iyo dadkii
daalimiinta ahaa ee dunida soo maray lagu daro qeyb-tooda.
Wax-bixintii
malaa'iigtu (cs) intaas kumay koobnayn, laakiin intii ugu weynayd ayaanu idinla wadaagnay.
*
N.B Hadaan Ibliis Ahay Kamaan Tageen
S/Land Ee Dar Iga Sii Daran Baa Jooga.
Qore:-
Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!