Hargaysa (HWN) Ciidanka Danab ee Puntland ayay ka geeriyoodeen saddex askari oo ciidankaasi ka tirsan, sida uu sheegay taliyaha ciidanka Danab Generaal Jimcaale Jaamac Takar, oo baahiyay qoraalkan hoose.

"INNAA LILLAAHI WA’INAA ILLAYHI RAAJICUUN

Taliyaha ciidanka Danab Puntland Commando force , Gen jimcaale Jamac Takar ,Saraakiisha ciidanka iyo guud ahaan taliska Kumaandooska waxay ka tacsiyadeynayaa geerida ku timid Alle Ha’uwada naxarasiistee Marxuum Ahmed Osman Ahmed (Ahmed Caano) Marxuum Cabdisamad Mohamed Garaadka, iyo Maxamud Cabdi Xaaji oo ka wada tirsanaa  Ciidanka Kumaandooska Puntland ee Danab oo ku geeriyootay shil gaari oo ka dhacay Jiida Guumeys ee Gobolka Sool, oo ay u joogeen difaaca dhulkooda iyo dadkooda.

Waxaan uga Tacsiyeynaynaa  Ciidanka Kumaandooska Puntland ee Danab iyo dhammaan ciidankii ay kuwada jireen difaaca, eheladooda iyo asxaabtooda, Allaahna waxaan uga baryeynaa marxuumiintana uwada naxariistiisa janno fardowsa kawaraabiyo , samir iyo iimaanna innaga wada siiyo inta dhaawaca ahna rabbi ha u booga dhayo.

AAMIIN’AAMIIN”