Booqashaddii Dalkii Indhoolayaasha Somaliland ( Ali Biixi).

Visits: 684
(Rating 0.0/5 Stars) Total Votes: 0
0 1
Share via Social Media

Booqashaddii Dalkii Indhoolayaasha Somaliland ( Ali Biixi).

Waa booqashdaydii dalkii indhoolayaasha .

Share

Waa booqashdaydii dalkii indhoolayaasha .

Buuro dhaadheer aniga oo marba mid dusha uga baxaaya ,

ayaa markii danbe , kabtii ila siibatay oo aan Buurtii dhinaca kale uga dhacay .

Waxaan dusha kaga dhacay Cariish aan saqaf lahayn ,

Cariishku saqaf muu lahayn ’ albaab-na ma lahayn ’

daaqado-na ma lahayn.

Laakiin dhaawac badani ima soo gaadhin .

Waxaan arkay dad badan oo isdaba socda oo lugaynaaya oo aad moodid in ay INDHO LA' YIHIIN ,

sida ay isu dabasocdaan .

Waan la hadlay oo waan salaamay, laakiin iimay jawaabin , ismanay taagin .

Kadibna waxaan weydiiyay in ay i arkayaan iyo inkale iyo in ay INDHO LA'YIHIIN ?

Waxaan ku idhi :

Miyaad indho la'dihiin?

miyaydaan i arkayn?

Waxay i weydiiyeen:

waa maxay idhuha iyo waxa aad ka hadlayaa?

Hadana waxay i weydiiyeen :

waa maxay araga iyo waxan aad sheegaysaa ?

Waa maxay waxyaabahan aanaan weligayo maqlin ee aad ku hadlaysaa ?

Markaaba waxaan ogaaday inaanay waxba arkay , oo indhahoodu aanay jeexnayn .

Kadib waxaan su'aalay :

miyaydaan Buurahaa dhaadheer iyo Cirkan iyo Dhirtan iyo Dhulkan aydaan arkayn ?

Waxay dib iigu celiyeen su'aashii : waxan aad ka hadlaysaa waa maxay ee aanaan hore u maqlin ?

Markaa waxan ogaaday in ay weligood sidan ahaayeen , oo ay indho la'aayeen ’ oo sidan ku wada dhasheen , iyaga iyo Waalidkood iyo awoowyaashood .

Waxan uu sheegaayona aanay weligood maqlin , oo ay moodayaan in uu cudur cusub yahay .

Dadkanu muddo 6 awoow laga joogo ’ sidan ayay ahaayeen , oo isku dhaleen , markii uu cudur indhaha kaga dhacay , ee ay indho beeleen , oo ay muddo dhawr boqol oo sano , ay sidan ahaayeen , oo u noolaayeen.

Kadib waxay u sheegeen markii uu muddo la noolaa ,

in haddii uu doonaayo in uu la noolaado ,

In uu CUDURKAN INDHAHA la yidhaahdo iyo ARAGAN in uu iska daweeyo , oo ay ka daweeyaan , oo uu la mid noqdo.

Haddii kale aanu la noolaan karayn , oo aanu ka mid noqon doonin ,

Oo ay weliba diyaar u yihiin in ay ka daweeeyaan cudurkan uu qabo ee uu sheegaayo had iyo jeer , ee isaga oo qudha ku kooban.

Haddii kale uu ka dhex baxo , oo meeshii uu ka yimi ku noqdo.

Hadaba dhawaan waxaan soo booqday dal (ama Tuulo) dadkeedu ay wada INDH LA'YIHIIN , oo ila yaabay waxa aan ka hadlaayo iyo waxa aan u sheegaayo .

Oo igu yidhi: haddii aad doonayso in aad nala noolaato , oo naga mid noqoto :

Waa inaanu kaa daweynaa cudurkan aad qabto ee la yidhaahdo INDHAHA iyo ARAGA ,

oo aanu kaa soo saarno , oo aad sidayada noqotaa .

Haddii kale aad ku noqotaa meeshii aad ka timi ,

oo aanad cudurkaagan na qaadsiin.

Waxaan ku idhi : iyara suga waan soo tashanayaayee .

Kadibna markii aan fekeray ’ waxaan doortay in aan iskaga tago ( dhoofo) oo aanan la noolaan karayn ,

oo aanan ka mid noqon karayn ,

oo aanan ka maarmayn indhahayga iyo aragayga .

Oo aan iskaga noqdo meeshii aan ka imi ,

ee ay ku noolaayeen dadka indhaha qaba , ee wax arka .

Waa booqashadaydii dalka (Somaliland) ee ugu danbaysay.

Waa dad indha qaba , laakiin aan waxba arkayn .

Waa dad u fekeraaya , sidii dad indha la' .

Waa dad la yaabaaya , dadka indha qaba , ee wax arkaaya .

Waa dad aan ogolayn cid wax arkaysa , oo u sheegaysa .

Waa dad aduunka maanta ku nool , laakiin caqligoodu iyo maskaxdoodu iyo fikirkoodu iyo aragtidoodu ay tahay.

dad qarniyo hore nool ( 300

oo sano) sidii loo noolaa u nool ,

oo u fekera .

Laakiin aan ogayn .

Oo hadana isu haysta in ay wax kasta garanayaan , oo wada aqoon yahaniin yihiin.

Waa wada aqoon yahan , aan aqoon lahayn .

Waa booqashdaydii dalkii indhoolayaasha .

Cali MaxamedBiixi

Calibiixi

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!