Hargaysa (HWN)  Xildhibaan Jamaal Jaah oo ka tirsan Golaha Wakiilada Somaliland ayaa sheegay in indhaha Somaliland oo dhami ay eegayaan Beesha Habarjeclo.

Xildhibaanka ayaa intaasi ku daray in Muuse Biixi hortaaganyahay go’aamadii beesha Habarjeclo ka soo saartay Khilaafka Doorashooyinka Somaliland.

"Indhahoo dhami Habar jeclo ayay eegayaan laakiin beeshu way ogtahay markaa yaan loo biqin (All eyes on Habar jeclo)

Golaha Wakiilladu wuxuu cod aqlabiyad ah 30 bishii September ku ansixiyay xeerka cusub ee doorashooyinka isa-saaran oo waafaqsan go,aankii Salaadiinta iyo Gudida beelaha Habarjeclo soo saareen 27 bishii Aug, Muddo sedex bilood ku siman oo uu xeerkaasi golaha guurtida horyaal madaxwaynaha ayaa caqabad ku ah in uu dhamaystirmo xeerkaasi isagoo laba ujeedo ka leh in aanuu jeclay garsoorka lagu qayaan beesha heshiiska keentay oo uu rabo in uu ka daba tago heestii caan baxday ee Garta Ina Sanwaynaa loo gaysan jiray oo ah sumad wanaagsan oo beeshu leedahay iyo in uu mudo kordhin helo (Delay Tactics)

Laakiin labadaa midna ma suuro gelayso oo beeshu taariikhdeedana way ilaashanaysaa Somaliland-na doorasho way ka dhacaysaa.” Ayuu yidhi  Xildhibaan Jamaal Jaah