Hargaysa (HWN) Boqor Cismaan Aw-maxamuud Buurmadow, ayaa ku celiyay in beeshiisu diyaar u tahay nabad waarta oo ka dhacda gobollada bari, gaar ahaana Sool iyo Buuhoodle.

"Waxaan uubateeyaba Tolkay ooda soo jebi"waxaan u hambalyaynayaa tolkay oo nala qaatay mabdi'ii aan mudadda labada sanno ku dhaw ku dhawaaqaayay” ayuu yidhi Buurmadow.

Dhinaca kale waxa uu soo dhaweeyay hadalkii nabadda ee Suldaan Maxamuud Guuleed Mire todobaadkan jeediyay ee uu ku sheegay in Beesha Dhulbahante uu nabad ugu baaqayo.

Suldaan Guuleed Mire ayaana intaasi ku daray in shirkii Habarjeclo ee dhawaan ku soo idlaaday Burco uu ahaa shir lagu qaatay Nabad.

Boqor Buurmadaw ayaa marar kala duwan ku baaqay Nabad inkasto oo Beesha Habarjeclo isku khilaafsantahay Nabad iyo Colaad midka ay ka qaadanayaan Colaada Galbeedka Gobolka Sool.