Hargaysa (HWN) Siyaasi Maxamuud Xaashi ayaa ka hadlay go’aamada ka soo baxay shirka beesha Habarjeclo oo maanta lagu soo gabagabeeyay Burco.

Gudoomiye Maxamuud Xaashi ayaa qoraalkan hoose kaga hadlay qodobada ka soo baxay shirka.

"Waxa aan si balaadhan u boggaadinayaa qoddobada iyo war-murtiyeedka ka soo baxay shirweynahii Beelaha Habarjeclo ee TALOWADAAG. Shirweynahaas oo soconayay muddo afar-maalmood ah, waxa ka so qaybgalay mudantii beelaha Habarjeclo oo isugu jiray Salaadiin, Cuqaal, Wax-garad, Aqoonyahan, Ganacsato, Siyaasiyiin iyo Xildhibaano.

Waxaan si mug iyo miisaan leh u soo dhaweynayaa garnaqsiga, dan-sheegadka, dardaraanka iyo aragtida togan ee ay bud-dhigga u tahay in ay difaacaan degaankooda iyo dadkooda, isla-markaana aanay marnaba cid kale duullaan ku ahayn.

Beelaha Habarjeclo waxaa xil ka saaran yahay difaaca degaananadooda iyo dadkooda. Balse, arrimaha Qaranimada Guud waxa ay kala siman yihiin beelaha kale ee Somaliland.

Ugu dambayn, waxa aan soo dhaweynayaa baaqa shirka, ee la xidhiidha in la dhamaystiro xeerka doorashooyinka ee qabyada ah, si loo soo afmeero khilaafkii siyaasiga ah ee dalka ragaadiyay, loogana baxo hubinta la’aanta siyaasadeed ee dhaawacday midnimadii iyo wadajirkii ummadda. Waxaa lagama maarmaan ah in dalka laga abuuro deganaansho iyo jewi doorasho.”

Shirka ayaa qodobada ka soo baxay waxaa kamid ah in habarjeclo dhulkeeda difaacato