Xukuumada Muuse Oo Looga Digay Inay Celiso Markab Shidaal Sida Oo Dekeda Berbera Taagan &Sababta.
Hargaysa (HWN) Xog-hayaha
Ganacsiga, Warshadaha & Dalxiiska ee Xisbiga Waddani Xamse Khayre ayaa ka
digay in xukuumada Somaliland ay dib uceliso markab shidaal sida oo dekada Berbera
hada taagan.
Waxa uu xoghayuhu
intaasi ku daray in markabkani uu sido shidaal qiimihiisu jabanyahay, sida uu
ku sheegay qoraalkan hoose oo uu baahiyay:-
"Waxaanu soo
dhawaynanaa talaabo kasta oo keenaysa in naaftada/shidaalka qiimihiisu jabo
Isla markaana meesha ka saaraysa go'aankii hore ee Salfarta lagaga dhigay 500
ppm wax ka hooseeya. Waxaanu qabnaa in mudnaantu tahay nolosha dadka, dalkuna
qaadi Karo salfar ilaa 3000 ppm ah.
Markabka taagan Hadda dekeda
Berbera ee sita calanka Jamhuuriyada Togo magaciisuna yaha #CHIRON 7 (IMO
9127291,MMSI 671294100) waa in la rogaa shidaalka Jaban ee uu sido. Waxaanu ka
digaynaa in la celiyo shidaalkaas iyada oo loo danaynayo shirkado ay
madaxtooyadu leedahay oo caadaystay in dhiigmiirtaan dadka oo ku qaaliyeeyaan
shidaalka.”
Xamse Khayre
Xisbiga Waddani
Xog-hayaha Ganacsiga,
Warshadaha & Dalxiiska.
Dhawaan ayay ahayd
markii ay markabkan ku eedeeyeeyn qaar kamid ah shirkadaha keena shidaalka
Somaliland in markabkani uu sido shidaal aan waa faqsanayn xeerka shidaalka
Somaliland, balse xoghaye Xamse waxa uu ganacsatadan eeda soo jeedisay ku
eedeeyay inay madaxtooyada gacan saar la leeyihiin.