Hargaysa (HWN) Dadweyne isugu soo baxay suuqa Waaheen ee Hargeysa ayaa maayirka caasimadda Hargeysa Cabdikariim Mooge,  ku eedeeyay in uu iibiyay waddooyinkii suuqa Waheen kuwaas ay sheegeen in rag ganacsato ah uu ka iibiyay isagoo gacan ka helaaya xukuumadda dhexe.

Sidoo kale dadka hadlay ayaa sheegay in wasiirkii xilka laga qaaday ee Diinta iyo Aw-qaafta Somaliland sababaha xilka looga qaaday ay ka mid ahayd in uu diiday in la iibiyo dhulkan oo Maayir Mooge iyo xukuumadda dhexe iska kaashanayaan sida ay hadalka u dhigeen.

‘’ Maayirka xafiiskiisa ayaan ugu tagnay wuxuu yidhi waddo laba haad ah oo dhexdana aan dhir ku beero ayaan ka samaynayaa, maannu filayn ninkii 26 kun ee cod Hargeysa siisay ayaa waddooyinkiinii iibin’’ Hooyo ka mid ah dadka hadlay.