Tababarraha kooxda Arsenal Mikel Arteta ayaa ku tilmaamay go’aankii garsooraha muuqaal eegista uu Newcastle ugu ogolaaday goolka mid laga khajilo oo dulinimo ah.

Anthony Gordon ayaa Newcastle u ogolaaday goolka kaliya ee ay keeneen kaddib markii laga eegay haddii kubaddu baxday, ama khalad la galay, ama uu ofsayd jiray, kuwaas oo dhammaantood meesha laga waayay, goolkana siisay kooxda Newcastle.

Natiijada ciyaarta ayaa keentay in la jabiyo rikoor kii kooxda Arsenal ee ahaa in xili ciyaareed kan aan laga badin horyaalka Ingiriiska.

"Waxan halkan hadda u joogaa inaan iraahdo lama aqbali karo,” ayuu Artera u sheegay Sky Sports.

"Uma aynaan qalmin in nalaga badiyo ciyaarta. Ciyaarta waa nalaga badiyay maxaa yeelay go’aannada cadcad. Waa wax laga khajilo. Taasi waa khajilaad.

"Ma qiyaasi kartid fariimaha I soo gaaraya ee oranaya tani ma sii socon karto. Waxan luminayaa waqtigayga. Ma doonayo inaan gacmaha dadka ku jiro.”