Waxaa maanta oo kale, 2-da bisha November sannad kasta dunida laga xusay maalinta caalamiga ah ee loo asteeyay dadaalka soo afjaridda dambiyada ka dhanka ah saxafiyiinta oo kuwa geystaa aan loo ciqaabin.

Sida lagu sheegay warbixin ay shalay sii deysay hey’adda difaacayaasha Wariyeyaasha ee Fadhigeeduyahay New York ee CPJ Somaliya ayaa weli kaalinta labaad kaga jirta dalalka wariyeyaasha dacwadaha lagu soo oogo, laakiin taa bedelkeedana aan helin cadaalad la marsiiyo kuwa dambiyada iyaga ka gala.

16kii bishii la soo dhaafay ee October ayaa waxaa muqdisho qarax lagu dilay wariye Cabdifitaax Macalin Qeys. Sida ay sheegeen ururada u dooda xuquuqda wariyeyaasha Soomaaliyeed ee FESOJ iyo SOMA, sanadkan oo kaliya ilaa iyo 10 wariye ayaa la xidhay, xarummo warbaahineed ayaa la weeraray, halka wariyeyaal badan ay la kulmeen hanjabaad iyo jir dil.

VOA