Hargaysa (HWN) Ciidanka Booliska Somaliland ayaa baafinaya lacag ay sheegeen inay ku qabteen nin tuug ah oo watay lacagta.

Ciidanka ayaa qoraal ay soo saareen ku sheegay in lacagtaasi la siindoono cidii sheegata tiradeeda, waxaanu qoraalku uqornaa sidan:-

Baafin :

Taliska Ciidanka Booliska Jamhuuriyadda Somaliland garahaan Saldhiga Dhexe ee Magaalada Hargaysa waxa uu raadinayaa qofkii lahaa lacag maanta lagu qabtay  Eedaysane Axmed Maxamed Ibraahim 32Jir Ina  Faadumo Maxamed Cabdillaahi kaasi oo ciidanka boolisku kusoo  qabteen lacagtaasi ,  taasi oo uu soo  dhacay , Lacagtaasi oo iskugu jirta S/land Shilin iyo Dollerba .

Waxaana qofka lacagtaasi ka maqantay laga rabaa ina uu sheego tiradeeda .

Haddaba waxaanu ka codsanaynaa dhammaan shacabka Somaliland ina ay cidii lacagtaasi ka maqantay ina ay tagaan Saldhiga Dhexe Hargaysa ama garacaan numberkan 0634408459

Ciidanka Boolisku waxa uu halkan digniin uga dirayaa dadka falalka noocaasa caado ka dhigtay , kuna hawlan ina ay dhacaan hantida  dadweynaha , waxaanu u sheegaynaa  ina ay ka waantoobaan ,  haddii kale gacan bir ah ina aanu ku qaban doono.

Xafiiska Warbaahinta

Ciidanka Booliska JSL

Call number 999