Maxamuud Gabaygan wuxuu u tiriyey faarax oo ah nin ay asxaab ahaan jireen dhalinyo nimadoodii telefoona kusoo weydiiyey aragtida uu ka qabo Xeebta Saylac ee Ethiopia hadal hayso iyo waxa sababay.

Wardiga iyo waleylbay naftani, weheshanaysaaye

Waysada anoo qaatey oo, waajib gudanaaya

Walaayada ragii lagu ogaa, way wahsanayaane

Balaayada anoo waab ka galay, weehashiyo buuqa

Warka soo lalee iigu yimid, waraqu waa yaabe

Waxyi maaha ee waa dareen, wiirsi iyo ciile

Xaajada rag weydaa marbay, waabis noqotaaye

Wehelkiisa ruuxii diluu, cadaw ku wiirtaaye

Waalalow dadkaygani galaan, way ka leeyahaye

Weedhaamis goortey gashay, taladii waayeelku

Aniguna inaan weedh idhaa, saw wax jira maaha.

Xigto weeye wiil iyo nin dhalay, wax isu haystaane

Weeraar mid joogiyo ilaa, Waylo laga gaadho

Widhwidhtaa agteeniyo ilaa, wabiga daaciise

Wardheer dacaladeediyo ilaa, waajir iyo doollo

Run hadii warkaygani yahay, Wax isma doorshaane!

Wajiga iyo waxaa lagu gartaa, muuqa weyda ahe

Intuu waaxidkay uumay waa, duul walaalo ahe

Hadii cadaw u soo weeraro, dibad ka soo wiiqo

Waxay hayso way wada dhigtaa, ficilna waw doore

Wanqashoodu waa waran afliyo, wadhaf colaadeede

Duufaan haduu soo wajaho, waysu olashaaye

Waabey markay taagan tahay, waa wad iyo naare

Waxyeelada ma qaataan hadaan, waaxid ka hadhayne

Wadeecadadadkaygii heshay , waa waxsaar kale

Sidii ruux wajaqay bay hadana, isu wareentaaye

Goortey is wada dooxatey, waafi noqotaaye.

Waasan kuma bariistaan dadkii, soo wacnaanjiraye

Waabeeyo qiil laga dhigtaa, la igu waaqleyne

Wacdigii iblayskiyo jinbaa, weelal kuu tumaye

Sidii ay waxwada leeyihiin, uma wadaagaane

Ninba weelka madhanbuu cushaa, gaax wixii hadhaye

Wiliqdhabateygoortuu qabiil, waab kusoo xidhaye

Wadartiina kii neceb xumuu, kuu widhwidhiyaaye

Waa weyso diid nimankan aad, daba washleysaane

Kufri weynahay nacay ayey, weheshanaayaane

Sidii wali ilaah soo diray, ugu wareegaane

Wataataca warkiisaa u ah, waano iyo hiile

Wahan iyohaduu faaraxow, waa ku daalacaye

Wallo iyo walayta rabta, badaha waaweyne

Werjigunawixii baaqi hadhay sii walwaashaday e

Wargeys lama hadlaayee adaan kuu waramayaaye

Adiguna widhiidhow dhegahaad, wax iska saartaaye

Sidii waax jidhkayga ah tahaan, kuu walwalayaaye

Wasiilana waxaan ula tagaa, qaar wanaag wada e

Adna gaal wishiisi ah ayaad, daba washleysaaye

Malab weelsan laga buuxshaybaan, kuu wadaa waliye

Walaal igu lamaan bay naftani, wali kumoodaaye

Shaydaan waswaaskiisu waa, waxaad la waalayde

Adna waranka aad haysataad, igu wareentaaye

Waynaha ayaan kuu baryaa, wacad ilaahaye

Waagii aan toosaba adaan, kuu walwalaaye

Adiguna warmoogow aduun, waa lagaa dadeye

Waabey ayaad ila rabtaa, suu wadkay galaye

Wadiiqadu waxay kugu ridaa, waa wadada weyne

Wixii kaa qaloocdaba ergaa, lagu wareejaaye

Inagoo walaalo ah ayuu, waaxidkay rabaye

Taladaa wagdaha yeelataa, wiiqday noloshiiye

Allaha waasacaan uga baryey, inay ka waaqdaane

Amiin Dhahadawaanadu marbay, waajib noqotaaye

Maxamuud Cabdilahi Roble

[email protected]