Nuux Taani : Hartiyoow  qabiil baad Laascaanood noogula dagaallanteen, annana waannu kasoo baxnay, si kastaba aannu uga soo baxnee. Haatanna aniga oo Isaaq ah baan ku noqonayaa Laascaanood, cid iga cilin kartaana ma jirto. Isaaqnimaan ku dagaallamynaa hadda annaguna. Idinku halkan nabaddiinna ilaashada, se ogaada waa innoo dagaal xaggaas.

Cali Baashe (Siyaasi Harti ah, Dhulbahante) :  Nuuxoow iskagamaad soo bixin Laascaanood e, waa lagaa soo eryaday, tanna adiga waxba lagaa waydiin maayo e, ku talagal. Halkii aad qiran lahayd jabkaaga ayaad weli sii bootaynaysaa!

Cali Dirir ( Harti, Warsangeli) : Nuuxoow, hadalkaagani waa kii madaxweynahaaga uun ee shalayto, haddaad dagaal qabiil soo abaabushaanna waa layska kiin celin, waana laydinka adkaan e, ku biyo cab. Reerahan deriska nala ahise waxaas aad waddo in aanay kaa yelayn ayaannu aamminsannnhay, waayo adigu Gebilay bad katimid...Halkaas markuu marinayay Cali, Nuux oo maqiiqan ayaa ka dhex gaalay, : HJ iyo HY waa kuwaad askartooda ku layseen Laascaanood waar. Cali Dirir : Nuuxoow waxaas ka bax oo, waxan ku idhi annagu cidn xitaa u yeedhan mayno e, waannu isku filannahay. Nuux haddana: Sawdinkii ilaa Kismaayo isaga yeedhay? ..Cali : war warka waan ku siiyay, waxaad ka badin waydo fal.

Maxammed Cabdimaalik( Dhulbahante) : Nuuxoow cirka soo dumi haddaad hayso, waana lagaa baacsaday laascaanood, tanna waxba lagaa waydiin maayo.

Ismaaciil xaaji Nuur( Maayarka degmadq, Gx, H.Yoonis) : war xaalka dejiya, magaaladni cid katmid galbeed iyo cid katmid meel kale toonna arrrinkeedu uma yaallo e, bal qoladiinna Harti aan si gaara isagu nimaadno. Hadalkana innoo dejiya.

Ina Isleged( Badhasaabka, HJ; Biciide) : War Nuuxoow hadalka deji, war Hartoow aan mar kale isu nimaadno, magaaladani colaad uma baahna, waa in aynu xaalka dejinnaa. Labadii nin ee reer Sanaag, waxay bartii ka caddeeyeen in aysan kula socon Nuux dagaalka uu hurinayo ee uu saaka kaaga dhawaaqay Ceergaabo.

Sidiibaa lagusoo kala dareeray.

Muuse iyo Taani dagaal sokeeye oo aysan qarsanayn, ayay ku dhawaaqeen, marka reerha Harti iyo Isaaq  ayay u taal taladu, in ay dabkaas isku gubaan iyo in kale.

Xogtani waa mid sugan. Nuux Taani waxa ka muuqatay cadho xad dhaaf ah iyo khalkhal weyn, ciilqab iyo niyad jab is huwan. Cali Baashe ayaa ku yidhi, waxii aad sheeegan jirteen oo dhanna in aad ka tanaasushay afkaaga waadigaa kaga dhawaaqay e, waxba halla hadhin saaxiib!