Hargaysa (HWN) Guddoomiyaha Xisbiga WADDANI Xirsi Cali X Xasan ayaa sheegay in hada Somaliland ujahaysatay dhanka doorashooyinka.

Waxaanu gudoomiyuhu usoo jeediyay taageerayaasha Xisbigiisa inay udiyaar garoobaan doorashooyinka, sida uu ku sheegay qoraalkan hoose oo uu baahiyay.

"Taageerayaasha Xisbiga WADDANI waxaan leeyahay, haddii aynu doorasho sugaynay dalku wuxuu u jehaystay doorasho ee aan iska dayno hadal tirada oo u diyaar garowno doorasho, aan dalka midnimadiisa ka shaqayno. waxaynu wax ku noqon karayna dadkii ina dooran lahaa oo meel u wada jeeda. Waxaynu ka shaqaynayna wixii doorasho, nabad galyo iyo midnimo wax ka taraya.” Ayuu yidhi Guddoomiyaha Xisbiga WADDANI Md Xirsi Cali X Xasan.

Shalay ayay ahayd markii golaha wakiilada Somaliland ay ansixiyeen in la’isa saaro doorashooyinka.