Hargaysa (HWN) Musharaxa madaxwayne ee xisbiga mucaaradka ah ee Waddani ayaa soo dhaweeyay ansixinta Golaha wakiilada Somaliland ku sameeyeen xeerka isa-saarka doorashooyinka Somaliland.

Musharaxa ayaa sidoo kale Golaha Guurtida usoo jeediyay inay iyaguna Ansixiyaan, sida uu ku sheegay qoraalkan hoose oo uu baahiyay.

"Waxa aan hambalyo & bogaadin isku sidkan u dirayaa isla markaana u mahad celinayaa Shir-guddoonka & Mudanayaasha Golaha Wakiilada JSL oo maanta qaybyo tiray dhammaan xeerarka doorashooyinka isku sidkan ee Madaxtooyada, Axsaabta Qaranka iyo Ururada siyaasadda kuna ansixiyey cod aqlabiyad ah oo aanu Goluhu u kala hadhin.

Golaha Wakiilada Jamhuuriyadda Somaliland waxa ay hormuud u noqdeen sharciyeynta doorashooyin dalkan inooga qabsooma si heshiis iyo wadar-oggol lagu yahay, waana arrin ay Shacbiga Somaliland filayeen in badan, sida oo kale Golaha Guurtida waxaa laga filayaa in ay waajibkooda iyaguna sida ugu dhakhsaha badan uga gutaan.

Somaliland ha noolaato” ayuu musharax Ciro ku yidhi qoraalkiisa.