Hargaysa (HWN) Afhayeenka xisbiga Waddani Maxamed Faarax Cabdi ayaa ka dayriyay xaalada ay haatan ku jirto Somaliland.

Afhayeenka oo saaka warbaahinta la hadlay ayaa intaasi ku daray in masuuliyiintii uxilsaarnaa amniga Somaliland ay afka ka xidheen dagaal beeleedyada ka dhacaya deegaano kamid ah Somaliland, sida dagaalka Cali Saahid iyo deegaanka Ceel Afwayn oo aanay weli xukuumadu ka hadal.

"Waanu ka xunnahay in madaxweynihii wasiirkii arimaha gudaha iyo taliye yaashii ciidanku inay ka aamusaan oo amar bixin waayaan colaadaha deegaanada dalka ka socda ".

Afhayeenka oo hadlkiisa siiwata ayaa intaasi ku daray "Raad abaareed ayaa ina soo galay, maalinta maamulkaasi tago uun ayaa dalkani saldhigi doonaa , shacabkuna heshiin doonaa.” Ayuu yidhi Maxamed Faarax Cabdi oo ah Afhayeenka xisbiga Waddani

Todobaad yadii ugu dambeeyay waxa aan hadal ama afka xidhay Wasiirka Arimaha gudaha oo  amaanka guduhu uu yahay shaqadii wasaaradiisa.