Hargaysa (HWN) Madax ka kala socotay Somaliland iyo Deegaanka Soomaalida Itoobiya ayaa maanta kulan ku yeeshay magaalo xuduudeeda Wajaale dhinaca Somaliland.

Kulanka ayaa lagu gorfeeyay sidii labada dhinac isaga kaashan lahaayeen Ammaanka, isu-socodka dadka  u kala gudbaya labada dhinac iyo qodobo kale.

Dhinaca Deegaanka Soomaalida waxa hoggaaminayay hoggaanka nabadgelyada ahna ku-simaha madaxweynaha Deegaanka, taliyaha Booliska iyo madax kale.

Dhinaca Somaliland waxa marayay taliye ku-xigeenka Booliska, Agaasimaha guud ee waaaaradda Arrimaha gudaha iyo madax kale.

Somaliland iyo dawlad Deegaanka Soomaalida oo muddooyinkii dambe cilaaqaadkoodu xumaa ayaa hadda u muuqda in ay dib u soo celiyeen wadashaqayntoodii.