Hargaysa (HWN) Xoghayaha Warfaafinta xisbiga WADDANI Mahmoud Adam Jama "Galaal" oo ka hadlay rabshado ka dhacay deegaanada Ceelafwayn iyo Cali Saahid ayaa xukuumada Muuse Biixi ku dhaliilay inay gabis noqdeen hay’adihii amaanka uxilsaarnaa.

Xoghayaha ayaa intaasi ku daray in xukuumadu ciidan sideg deg ah ugu dirto deegaanada ay ka taaganyihiin Colaadu.

CeelAfweyn iyo Cali Saahid

Xukuumaddu waa inay CeelAfweyn iyo Cali Saahid si degdeg ah ciidan amniga suga u geysaa. Dayac badan Sirdoonka Qaranka, Ciidamdda Booliiska iyo Wasaaradda Arimaha Gudaha JSL ka muuqda. Intaba   howl gal degdeg ah ayaa looga baahan yahay si deegaanadaas nabad gelyada looga sugo.

Madaxweynihii Qaranka iyo hayadihii amnigu xilka iyo waajibaadkoodii nabad gelyo wey gabeen oo way ka baaqdeen cid ay ku eegayaanna la garan maayo.

Tan iyo mashaqadii 25/08/2023 ka dhacday Gobolka Sool Madaxweynihii qaraka doorkiisii hogaamineed iyo isaga shakhsigiisiiba lama hayo. Ama Madaxweyne la'aanshuhu ha sababto ama arimo kale ha jiraan, hayadihii amnigu waxa ka muuqda fadhiidnimo iyo waajib gudasha la'aan.

Haddii ay 24 saac gudohood xukuumaddu colaadda iyo shaqaaqooyinka deegaanadaas ka howl geli weydo waa in Golaha Wakiiladda JSL si degdeg ah ugu yeedhaa masuuliyiinta ugu saraysa ee hayadaha amniga dalka loo egamaday." Mahmoud Adam Jama "Galaal" Xoghayaha Warfaafinta xisbiga WADDANI.

wararka qaar ayaa sheegaya in dagaaladaasi dhex marayaan beelo walaalo ah oo wada dega deegaanka, isla markaana khasaare dhimasho iyo dhaawac lihiba jiraan.