Hargeysa (HWN) Guddida Garxajis ayaa Xukuumadda Somaliland ku wareejisay gaadiidkii ay Jabhada Gacan Libaax hore u qabsadeen.

Waxa madashaasi ka  qaybgalay saraakiil ciidan iyo badhasaabka gobolka Maroodijeex Maxamed Axmed Caalim Tiimbaro.

Waxa kaloo Goobjoog ka ahaa guddidii dhex dhexaatinta khilaafka ee beesha bariga Burco.

Suldaan Axmed Cismaan Caddegude oo halkaas ka hadlay ayaa sheegay inay xukuumadda ku wareejinayaan baabuurtii jabhadii Gacan Libaax ay qabsadeen oo isugu jiray baabuur ay ka qaadeen hay’adda Hallo Trust iyo kuwo ay lahayd Xukuumadda Somaliland.

Waxaanu sheegay inay soo gabo-gabeeyeen arrintii Jabhada Gacan Libaax, waxaanu ammaanay dhallinyaradii iyo saraakiishii jabhadaasi horjoogaha u ahaa ee aqbalay inay ka soo deganaan halkaasi.

Dhinaca kale saraakiisha Booliska Somaliland ayaa goobta ka sheegay in aan dhalinyaradaa waxba loo raacanyn.