Xisbigga Kulmiye wuxuu talada wadanka la wareegey 27-june 2010 iyadoo Wadanka Somaliland gees ilaa gees Nabadgelyo , walaalnimo iyo farxadi taalo oo aan qabiil , qaybsanaan iyo shido midina aanay  jirin .

13 tobonkaas sanadood ee Xisbigaasi talada wadanka hayay sanad walba  halkii aynu horre uga socon lahayn waxaynu dib u soconey laba sanadood , taasoo macnaheedu yahay daqiqad kasta oo ka midda  mudada xisbigaasi talinayay laba talaabo ayuun baynu dib u qaadaynay maxaa wacay talada xisbiga Kulmiye reefas mooyaane is biidh baabuurka horre u kaxeeyaba ma leh .

Hadaba 13 sanadood ee aynu dib uun u soconey hadii aynu sanad walba dib u dhaqaaqaynay 2 sanadood macnaheedu waxa weeye waxa aynu dib u noqoney 26 sanadood , taasoo macnaheedu yahay in aynu marayno 1997 .

Bal qiyaas xaaladii siyaasadeed , dhaqaale , Bulsho iyo amni ee aynu maraynay 1997 iyo halka aynu maanta joogno 2023 .

1997 Ciidanka Qaranka Somaliland wuxuu markii ugu horaysay tagey Magaaladda Oog oo shaqaaqo ka dhacdey , shaqaaqooyin beeleed ayaa meelo badan ka socdey , baaqyada qabiilka ayaa subax walba joornaaladda kusoo bixi jirey , dhaqaaluhuna wuu liitey .

Si kastaba ha ahaatee  2023 Ciidanki wuxuu kusoo noqdey Oog , Beelihi waxay kusoo noqdeen saxaafaddii , shaqaaqooyinki waxay kusoo noqdeen reeraha dhaxdoodii , dhaqaalihi isna wuxuu kusoo noqdey dhulkii ilayn dib ayuun baynu usoconay 13 sanadood ee Kulmiye .