Muqdisho(HWN):-Dawlada Federaalka ah ee soomaaliya ayaa wadanka Kenya u gudbisay dacwad ka dhan ah somaliland.

War ka soo baxay wasaarada arimaha dibada soomaaliya ayaa safiirka Kenya u fadhiya magaalada Muqdisho u gudbisay dacwad ay ka qabto xoghayaha joogtada ee ah ee wasaarada arimaha dibada Kenya oo sheegay inay somaliland tahay dal madax banaan wakhti uu la kulmay wasiir Faratoonka arimaha dibaa u qaabilsan somaliland.

Dawlada soomaaliya ayaa wakiilka Kenya ee Muqdisho Lucas Tumbo u sheegtay inay ka cabanayso qoraal la soo galiyey barta Twitter-ka ee wasaarada arimaha dibada Kenya taas oo lagu sheegay inay somaliland tahay dal ka madax banaan soomaaliyada kale.

Soomaaliya ayaa sheegtay in hadalka lagu baahiyey barta Twitter-ka ee wasaarada arimaha dibada Kenya uu halis ku yahay wax ay ku sheegtay madax banaanida iyo midnimada soomaaliya.

Halkan Hoose Ka AKhriso Dacwada Cabashada AH Ee Ay Soomaaliya U Gudbisay Kenya