Gudi Dhaarsan Baan Nahay ( Abdi-Shotaly).
Maansadani waxay ku socotaa Kuwa " Hunguri dhaq-meedka ah" ee uu ugu horeeyo " Gudcur-Gude" Iyo Intuu ku hor kaajo, maansadda waxa la yidhaahaa "Beentaan dheef ku raad-saday" ee ku soo dhawaadda, waa tane:,
(1) Adoo maalin dhereg raba,
(2) Dheri uu kulaaliyo,
(3) Dhadhamadda u foog tagay,
(4) Dheef raadis aad tahay,
(5) Dhaqan-kaagu calaf doon,
(6) Dhabaq-saday cad quudheed,
(7) Dheg xumadda tolkii jecel,
(8) Cadaw dhabarka taabtee,
(9) Loo qooyey dhuuntee,
(10) Nacabkii ku dhaansado,
Habeen-kiinadhuuntee,
(11) Dhuumaalaysi aqaladda,
(12) Kolba meel dhukusayee,
(13) Dhibta uu tolkii qabo,
(14) Ceeshka dhaaf-sanaayee, (15) Misna dhaar ku marayee,
(16) Nabad aan dhul-kaba jirin,
(17) Dhicisawday waa hore,
(18) Dhux-dhux beena dhurayee, (19) Gudi dhaarsan baan nahay,
(20) Waxan jirin ku dholalaw,
(21) Way dhaaftay wakhtigaa,
(22) Dul-qaad naga dhamaayo,
(23)Hadda dhabaqday xaajee,
(24) Waa keena dheeliya,
(25) Dhaaxaad kibraysee,
[26) Dhulka joog bal diidaye,
(27) Durba sidda dhalaankii,
(28) Qaylo dhaantu waa maxay?
(29) Waxad soo dhadhabaysaa,
(30) Baaruud dhacay-siyo,
(31) Qoraa noo dhexeeyee,
(32) Dharaqaanka iga daa,
(33) Waxba dhawrsan maayee, (34) Cirku muu bal soo dhaco,
(35) Dhulka laysku dumiyoo,
(36) Dhamaan-teed aduun-yadda,
(37) Dhanka bal laga rogo,
(38) Ninkay dhay ka qubatiyo,
(39) Kii geelu ugu dhallo.
(40) Waa inoo dharaar dhaw,
(41) Dhafoor taabad weeyee,
(42) Dhimashaan ka door biday,
(43) Nolosha-ba Dhamaan-taad.
(44) Dayal hayga moodine,
(45) Waa inoo ayaan dhaw,
(46) Dhenged jeer goortan kula dhacay,
(47) Ayuun baad dhabtii garan,
(48) Dhan-dhankeedda nabadiyo,
(49) Dhabahii Wanaagiyo,
(50) Dhibtuu xumuhu leeyahay.
* N.B Hunguri Dhaatay Baan Ahay
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!