Hargaysa (HWN) Xildhibaan Siciid Cudhay oo kamid ah Golaha deegaanka degmada Hargaysa ayaa ka hadlay Fasaxa Gudoomiye Saleebaan geliyay Golaha Guurtida, xili la filayay dhawaan in golaha wakiiladu usoo gudbiyaan xeerka doorashada.

Xildhibaan Cudhay ayaa sheegay in Saleebaan xeerkii hore ee doorashada uu roob udhigay xeekan dambana inta aanu soo gaadhin uu golihii fasaxay.

"Saleebaan Muslim xeerkii hore roobkuu u dhigay kan maanta ku soo socdana golihii wuu kala dareeriyay.xubnihii golaha ka midka ahaana ee ka dalbaday in ay shaqeeyaana wuu diiday xaajigu jecelaa ila meeraysada!.." ayuu yidhi Xildhibaan Siciid Cudhey

Dadka dhaliila gudoomiye Saleebaan ayaa sheegaya in aanu Gudoomiyuhu doonayn in laxaliyo khilaafka doorashada dalkana ay doorasho ka dhacdo.