Caleenta Koostada
kuwaas oo iskugu jira ka hortag iyo kobcin
Caleenta koostadu waxay ku jira fiitamiino, macdano iyo maadooyin kale oo jidhka aadamaha u fiican sida fiitaminada A, B2, C, B6, E, K, sidoo kale waxa ku jira maadooyinka birta, magnesium, manganese, folate, calcium iyopotassium.
Hadaba si aynu u ogaano fiitamiinadan muhiimadooda qaar ka mida aynu soo qaadano waxay inoo qabtaan ama qaybaha ay caawiyaan
·Fiitamiin A waxay u fiicantahay indhaha
·Fiitamiin C waxay u fiicantahay caafimaadka maqaarka ama jidhka iyo difaaca
·Fiitamiin K waxay muhiim u tahay xinjirowga dhiiga
·Folic acid ama fiitamiin 9 waxa uu u wanaagsan yahay koritaanka unugyada iyo shaqadooda waxaana aad ugu sii baahan hooyooyinka uurka leh isagoo ka hor taga inta Alle qadaro hadii hooyo uur leh qaadato dhibaatooyinka caruurta qaar ku dhashaan sida xangulaha daloola ama fiixdu ku taalo iyo faruurta
·Birtu waxay kordhisaa dhiiga
·Calcium-tu waxay u fiican tahay caafimaadka lafaha sidoo kalena waxay caawisaa fariimaha jidhku u dirayo neerfaha wadnaha iyo muruqyada
·Kaempferol waa maado yaraysa halista cancerka
·Nitrates waa maado kobcisa caafimaadka wadnaha
·Quercetin waa maado joojisa infectionka iyo caabuqa
Fiitamiinadan iyo madooyinkani waxay qayb wayn ka qaataan caafimaad qabka aadamaha
Intaas oo kaliya kuma eeka faa’iidooyinka koostadu waxay ka hortagtaa xunaano ay ka mid yihiin cancerku daraasado dhawra oo meelo kala duwan laga sameeyay ayaa cadeeyay in caleenta koostada oo la cunaa ay yarayso khatarta cancerka, waxa kale oo ay dajisaa dhiigg-karka, waxay ka hortagtaa nabarada ku samysma caloosha, waxay ka hortagtaa xanuunada wadnaha ku dhaca.
Caleenta koostadu waxay u fiicantay oo u baahan qofkasta waxaynu u istimaali karnaa ka hortag, kor u qaadid iyo dawayn intaba
Fiiro gaara
Dadka ku leh xasaasiyada waxa haboon inay iska joojiyaan
Dadka kaliyo xanuunka leh waxa lagula taliyaa inay iska yareeyaan madooyinka potassium iyo phosphorus kuwaas oo ku jira caleenta koostada sidaa darteed waa in dadkaasi ay la tashadaan dhakhaatiirtooda
Dadka qaata dawooyinka dhiigga fur fura uma fiicna iyagana inay qaataan koosto badan maxa yeelay waxa ku jirta koostada maadada fiitamiin K oo dhiiga xinjiraysa
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!