Hargaysa (HWN) Musharax madaxwayne ee Xisbiga Mucaaradka ah ee Waddani Cabdiraxmaan Cirro ayaa Hargaysa kulan kula yeeshay wafdi ka socday dalka Norway.

Musharaxa ayaa sheegay inay wafdigan kawad hadleen Xaalada Somaliland iyo gashay iyo wada hadalada Somaliland iyo Somaliya.

"Waxa aan galabta hoyga aan ka degganahay magaalada Hargeysa ku qaabilay wefdi ka socday dalka Norway oo ay hoggaaminayso Danjire Heidi Johansen oo ah Ergayga waddanka Norway u qaabilsan arrimaha nabadda iyo wada-hadallada isla markaana uu la socday Mudane Casten Carlsen oo ah sii-hayaha Safaaradda Norway.

Si guud, wefdiga waxa aan ka wada hadalnay xaaladaha siyaasadeed ee uu guud ahaan dalku marayo iyo xalkii laga gaadhay khilaafkii siyaasadeed ee cakirnaa ee muddada soo jiitamayey, sida oo kale waxa aan si rasmi ah ugu caddeynay mawqifka aan ka taagannahay arrimaha wada-hadalka Somaliland iyo Soomaaliya.” Ayuu Musharax ciro ku sheegay war uu baahiyay.

Dhawaan ayaa xal laga gaadhay khilaaf ka taagnaa doorashada Somaliland oo kala irdheeyay xukuumada iyo xisbiyada Mucaaradka Somaliland.