bal imikana waxa taagan eega waa kuwane:-

* Derbiyadda bay beenta ka dhurtaaye, bal ha yidhaaheen waxan aan soo wadaa waa been, wax aan jirin bay isku maaweeli-saaye, intan hoos ku qoran yaa ka doodaaya? Adoo reer hebel ku taageersan afka boodhka ha ii soo marasan.

(a) Waxa jeelka iskaga jira, Liqoo yare, oo ah wiilkii la yidhi kaba-hayaga dhunko, ee markii wax loo qaban waayey, ee saddex wiig ka soo wareegeen aarsday, ee isla habeen-kiiba la soo xidhay, iyadda oo aan kii kale ee bilaabay aan la dul marin, hor-tiisana aan laga wareegin, ee uu xoriyad u joogo Hargaysa, maxakamad-na aan la keenin kii aar gutay, kii bilaabayna aan la xidhin.

(b) Cabdilqaadir, oo isna wax lagu haystaa aanay jirin, ee la yidhi gole watsapp ah baad ka hadashay, Taas oo Xukunal qarqoosh reer hebel leeyahay. Lagu Xukumay 8 Sano oo xadhig ah iyo $725000( Doolarka maraykanka weeyee).

( c) Ahmed Baashe isna gabay baad tirisay, isna sidoo kale baa maxaad fekerkaaga u cabirtay lagu xukumay xeer qoys oo la yidhi 8 sano iyo $725000 oo taqsiir ah ( Waa doolarka maraykanka'e).

(d) Abdiraxmaan Haaruun isna whatsapp, baad wax ka tidhi buu ugu jiraa jeelka.

(e) Abwaan Abees gabay uu ku sheegaayo waxa dalka ka socda xumaan-teedda, baa lagu xidhay, oo bilaa qareen uu ku yahay, iskaga jiraa jeelka, lana xukumin, wax haystana aan la garanayn isaga iyo inta kale-ba.

(f) Cabdimalik Muuse Coldoon bal muxuu kaga maqan yahay dal-kiisii, saw lama weerarin, oo xataa markii isaggii la waayey, baabbuur-kiisii may gaxaysan.

(g) Wiil u shaqayn jirey wasaarad ku sheegta war-faafinta, ,waxa shaqaddii lagaga eryey, Askarigu sidaas buu u socdaa, oo weliba lagu xidhay, ilaa hadana uu jeelka ugu jiraa.

(h) Laba hablood oo buraanbur ka tiriyey, boobka askarigu ku kacay baa iyana jeelka loo taxaabay.

Waxay kuugu daran tahay, marka kii somaliland duminaayey, uu kuu soo beys-beysto, oo adiga oo kii jiritaan-keedda u dagaala-maaya ah ,uu denbiile kugu sheego kii iilka u dheereeyey, ee iyadad oo nool, oo aan la gawricin, faashka ku googooyey. Afka kaam hadlaan wiila-shaan awlaxaw tumaye, Socon mayso qabyaala-daydu waa siyaasad, taaduna waa reer hebel, annaa xamar la haysta, oo ay wax walba ii soo saxeexaan, hadana adaan kugu seehgayaa, sidaan doono aan yeelo, ee igu daawo, hadala ha ka keenin, wax kaste oo aan fallo-na sacabka ii garaac, xagee laga dheelaa, waxan ku leeyahay askarta meesha bood-boodaysa iyo cayayaanka ay ku biili-yaan hantidda ummadda, ee ka soo jeedda xaafada-hoodda, aniga maaha kaag tidhaahaan somaliland buu burburi-nayaa, mid-kiina inta aan u soo maray, cidi usgageed ka gaaadhi-maayo, xataa labadan askari, ee xuduudda baanu ka talawnay ku sheegta mujaahidiin, in aanay kaba-hayga gaadhayn, waayo wax dagaal ah oo ay galeen yaa-sheegaaya?, beenta bay ku ceeshtaaye. halkaas bay dagaal ka galeen i dhaha. Ka la yidhaaho geenyo shaaximan waa kii 1987 geliyey Balidhiih inta uu askar soo kaxaystay, oo weliba ay hubka u ridayeen Axmaaro, ee isana dirqi ku baxsaday ilaa Habuura ee ibixiyaw-i-bixi ay ka dhacday. Calaa-haakadda weliba watay Ciidan Axmaaro ah, ee ay faqsha qab-qabtay, dhaawacooddii la keenay dhakhtarka Burco, ee uu Harag-waafi kala soo baxay, laba cisho dabadeed. dhaaxaan nin hana qaad is biday soo hogaan baraye. miyaanay dhab ahayn intan sare ku taalaa oo dhami, yaa I odhan kara, qodob-kaasi waa been, ka lahaw soo gal war-baahinta, oo ii soo jawaab, meela-haas lagama nac-nac-leeyee.

- Maxakamad madax-banaani ma jirto, ee askariga baa u soo qora waxa ay xukumayaan, garya-qaano ku sheeguna waa magac u yaal.

* Ka Booliis iyo beel gaar ah loo direy, lana yidhi kuwaas oo keliya isha ku hay, jeegaanta iyo waxay walaaqa-nayso dheg haw dhigin, mana arki kartaan, baa isna mid aan xoolaha dhaamin ah, oo aan odhanayn-ba maxaa lagu haystaa dadkan, jeelka laga buuxiyey?

Markay cayn-kaas tahay, kuwa derbi-yadda la jiifa, iyo merfesh-yadda tororgta, nin-kaas baa somailand baabi'inayaw, waa keenee ka ka halkaa dhigay? ee burburiyey Somaliland ma anigaa? Oo u doodaaya, sinaan-teedda iyo wadda jir-keedda, cadaala-ddeeda? Mise waa adiga? ka ku raacaaya eex-dda lagu kala gudbi-naayo beelaha, musuq-maasaqa xadhiga goostay, iyo beenta ummadda lagu xaraashay?

Markaan soo koobo, Iyadda oo aad sidaas tihiin, waxa meesha yaalaana, ay tahay daalac yaa shamis, baad hadana iska dhigay-saan, qaar aan far-toodda subag-ba gelin, Mararka qaarkood-na awliyo soo daahirtay, oo igu yidhaaha illaahay ka baq, oo af wacan ku hadal cabdaw, kuwo kale-na yidhaahaan Somaliland ma ayid-sana. Wxaay kuugu dara akhristaw, sidaas waxan u aqaanaa naqari, oo ha kashifin waxan qulubaa-gediyey-no. Bal waxay ku leeyihiin taas baa cadaalad ka talisa, oo ummadda u dhex ah, Mujaahid baa ka madax ah, kaas oo ah tuuga hantidda ummad siduu doono ugu takri falaaya, ee laxooxdda ka qaadi jirey Xarshin, bay noo dhab-dhabayaan.

* N.B Afka Kama Hadlaan Wiila-shaan Awlkaxaw Tumaye!

Qore:- Abdi-shotaly

[email protected]