War Degdeg Ah: Muuse Biixi Oo Amray In Ciidanka Goojacade Laga Soo Saaro.
Hargaysa (HWN) Muuse
Biixi ayaa saraakiisha Milatariga Somaliland ku amray in ciidamada laga soo
saaro Goojacade, kadib markii Beesha Garxajis ay kaga dhawaaqday Buurta
Gacan-lilbaax jabhad hubaysan.
Xogta ayaa intaasi ku daraysa in Muuse Biixi
qorshaynayo in uu awood ciidan kaga hortago Jabhada beesha Garxajis ku
dhawaaqday.
Jabhadan ayaa ka dhalatay kadib markii Beesha Garxajis
ay siwayn uga soo horjeedsatay go’aankii komishanka doorashooyinka Somaliland
ku cayimeen in labada doorasho la horqabanayo doorashada ururada siyaasada
Somaliland.
Labada xisbi mucaarad ee Somaliland oo ka soo jeeda
Beesha Garxajis ayaa go’aanka Komishanka doorashooyinka u arkay qorshe iyaga
meesha lagaga saarayo ama lagu wiiqayo taageerayaashooda.
Muuse Biixi ayaa marar badan oo hore oo loogu baaqay
in ciidanka uu ka soo saaro goojacade diidmo qayaxan kala horyimid.
Dadka siyaasada Somaliland udhuun daloola ayaa
kudoodaya in Somaliland ay xaalad khatari soowajihi karto haddii Muuse Biixi
sida Laascaanood uu awood ciidan kala hortago Jabhada Garxajis.