Hargaysa (HWN) Komishanka Doorashooyinka Somaliland ayaa bilaabay kulamo ay la yeelanayaan qaybaha kala duwan ee Bulshada, iyagoo kulankii ugu horeeyay la yeeshay masuuliyiin katirsan Beesha Caalamka.

Maantana waxay kulamo la qaateen Shirgudoonka  labada gole ee Baarlamaanka Somaliland, waa golaha wakiilada iyo sidoo kale Golaha Guurtida.

Xogaha ayaana sheegaya inay sidoo kale maalmaha soosocda ay kulamo la yeelan doonaan Muuse Biixi iyo sidoo kale xisbiyada mucaaradka.

Kulamadan ayaa daaran doorashooyinka Somaliland oo weli la’isku hayo ta soo horaynaysa.

Kulamadan kala duwan ee ay Komishanka doorashooyinka Somaliland bilaabeen ayaa ku soo beegmaya xili maalintii shalay ahayd Maxkamada sare ku soo celisay Komishanka warqad ay udireen Maxkamada sare oo ay ku dalbanayeen tafsiir sharc.