Hargeysa(HWN):-Maxkamada gobolka Maroodijeex ayaa xukun ku riday gudoomiyaha garabka dhalinyarada ee xisbiga mucaaridka ah ee Waddani oo xidhan in ka badan 50 cisho.

Maxkamada gobolka Maroodijeex ayaa gudoomiye Maxamedsidiiq Dhame ku xukuntay lix bilood oo xadhig ah iyada oo u cuskatay aflagaado ay sheegtay inuu kula kacay madaxweynaha somaliland.

Gudoomiyaha garabka dhalinyarada ee xisbiga Waddani ayaa lagu waayey eedaymo xeer ilaalintu u soo jeedisay oo la xidhiidhay kicin dadweyne iyo xaaladii deg dega ahayd ee lagu soo rogay deegaano ka tirsan gobolka Sanaag.

Dhinaca kale xeer ilaalinta eedaynaysay gudoomiye Dhamme ayaa racfaan ka qaadatay xukunka lagu riday taas oo ay ka garnaqi doono maxkamada racfanka ee gobolka Maroodijeex.