"Dacwada Lagu Oogay Gud. Khaliif Looma Marin Qaabkii Dasturku Jideeyay" Ex. Wasiir Xuseen Caydiid
Hargaysa (HWN) Wasiirkii
hore ee Cadaaladda Somaliland, Garyaqaan Xuseen Axmed Caydiid ayaa sheegay in
dacwada lagu oogay Gudoomiyaha Golaha Wakiilada Cabdirisaaq Khaliif aan loo
marin nidaamka dastuurku jideeyay, sida uu ku sheegay qoraalkan hoose oo uu
baahiyay.
"Dacwaddan lagu oogay
Cabdirisaaq Khaliif nidaamkii Dastuurku jideeyey looma marin, maxkamaddii
awoodda u lahayna looma dhisin.
Golaha Wakiilladu
ogeysiin ma laha ee waxay ahayd in maamuus-ka-xayuubin laga codsado sida uu
jideynayo Qodobka 79aad ee Dastuurka faqraddiisa 2aad.
Markaa ka bacdina,
haddii Goluhu aqlabiyadda ku xusan isla faqraddan 2aad ee Qodobka 79aad uu ku
oggolaado maamuus-ka-xayuubinta, loo dhiso maxkamaddii awoodda u lahayd
qaadista dacwaddaas oo ah Maxkamadda Sara ee Cadaaladda oo ah maxkamad
xilli-leh ah, ahna ta ku xusan isla faqraddan sare, laguna caddeeyey
koobnaateeda Qodobka 96aad ee Dastuurka faqraddiisa 5aad…” Sidaa waxaa yidhi
Wasiirkii hore ee Cadaaladda Somaliland, Garyaqaan Xuseen Axmed Caydiid.