Gud. Khaliif Oo Jawaab Adag Ka Bixiyay Warqad Maxkamada Sare Kasoo Baxay
Hargaysa (HWN) Gudoomiyaha
golaha Wakiilada Somaliland Cabdirisaaq Khaliif Axmed ayaa ka jawaabay fariin
qoraal ah oo Maxkamada Sare ee Somaliland udirtay Maanta gudoomiyaha, taasi oo
ahayd in Gudoomiye Cabdirisaaq Khaliif ka soo jawaabo dacwad xafiiska xeer ilaaliyaha Guud ee Somaliland ku soo
oogay.
"Qoraalka ka soo
baxay Xafiiska Gudoomiyaha Maxkamadda Sare wax qiime Sharci ah ma laha, waxaanu
baal marsan yahay Dastuurka Dalka iyo dhamaan Xeerarka Dhaqangalka ah mana
mudna inaan ka jawaabo waana arin Jawaabteedu u taalo guud ahaan Golaha
Baarlamaanka [Wakiilada iyo Guurtida] ee Awoodahooda Iyo xasaanadooda lagu
Xadgudbay."ayuu yiri gudoomiye Cabdirisaaq Khaliif.
Dacwadan maanta laga
gudbiyay Gudoomiyaha ayay kukal aragti duwan yihiin xildhibaanada golaha
wakiilada Somaliland, kuwaasi oo qaar kamid ahi soo dhaweeyeen dacwadan, halka
qaar kalana gaashaanka udaruureen.