Addis Ababa(HWN):-Raysal wasaaraha Itoobiya Dr. Abiy Ahmed ayaa ku baaqay in si wada jir ah looga wada shaqeeyo sidii macno loogu yeeli lahaa dimuqraadiyada dalka. Raysal wasaare Abiy oo hadal ka jeediyey kulan lagu falanqaynayey dimuqraadiyada Itoobiya oo ka dhacay Addis ayaa waxa uu yidhi "Dariiqada aynu hore ugu socono waa inaynu macno buuxa u yeelno dimuqraadiyada taas oo wada jir looga shaqayn karo iyada oo aan laga gudbayn xuduuda siyaasada, waana inaynu dimuqraadiyada Itoobiya ka dhigno mid xoogan inaga oo hubinayna fursadaha ay haystaan xisbiyada siyaasadu, dhamaan daneeyayaashuna waxay wada jir uga shaqaynayaan sidii loo xoojin lahaa hay’addaha dawlada isla markaana loo aamini lahaa.”