Maxkamadda Gobolka Maroodijeex ayaa saaka shan sanno oo xadhig ah ku kala xukuntay saddex maxbuus oo uu hore warbaahinta uga eedeeyay Wasiirka Arrimaha gudaha Soomaalilaan Maxamed Kaahin Axmed, kuwaas oo kala ah:

1. Cali Axmed Xirsi

2. Bushaar Cabdiqaaddir Ibraahin

3. Mukhtaar Cali Cismaan

Maxkamaddu waxa ay 300 cisho kaddib ay deysay dembina ay kuweyday Mustafe Jaamac Cismaan, goaankani waxa uu soo baxay iyada oo aanu joogin qareenkii maxaabiista oo ahaa Garyaqaan Jamaal Hussein Mandeela, sidoo kalena uu fasax ahaa garsoorku, iyada oo saaka la furayay dhismaha maxkamadda rafcaanka Maroodijeex, lana celinay dadka iyo maxaabiista kaleba.

Ma cadda waxa loo cuskaday xukunkan oo aanay joogin ehelada iyo dadweynuhu midnaba, maaddaama oo uu garsoorku xidhnaa saaka.. Ragga la xukumay ayaa ahaa askar iskood uga soo laabtay Muqdisho, balse lagu shaambadeeyay inay xidhiidh la leeyihiin Musharraxa Madaxweynaha Xisbiga Waddani Dr. Cabdiraxmaan Maxamed Cabdillaahi (Cirro).

W/Q: Siciid Gahayr.

HALKAN KADAAWO WARBIXIN MUUQAALA OO AY HORE HADHWANAAGNEWS UGA DIYAARISAY