Marka uu qoraagu ku cusub yahay qallinleyda, waxa uu la kulmaa caqabbado.

Inta badan, waxa loo qariyaa ama aannu ka warhayn in uu qoraalku adag yahay! Sida oo kale, meesha ma soo dhigto, inta ammin ee uu qaadanayo.

Marka ay sidaa tahayna, marka uu qoraalka sidaa u bilaababa, faraha ayaa uu kaga gubtaa. Xaalkiisu waxa uu noqdaa: kurtin yahay ma waxaa aan ku mooday! Halkaasi ayay kalsooni la'aani kow ugu noqotaa!

Haddaba, waa in maanka aad ku heysaa in aad tahay qoraa curdin ah. Waa in aad soo dhaweysaa inaad wax kaa qaldami karaan ileen leyliguba biyaha waa uu daadiyaaye.

Marka aad xirfadaha kale baraneysid sida wadidda baabuurka, waa aad ku riyaaqdaa in aad tahay mid badhtanka kaga jira, waxbarasho cusub; qoraalkuna waa sidaas oo kale ! Ku raaxayso in aad qoraa bilow ah tahay.

Wixii kaa kaa qaloocsama, qofkii kaaga aqoon badan ii toosi dheh, beddalkii aad ceeb u arki lahayd!Marka aad sidaa yeeshid, waxa aad noqon mid aad ugu faraxsan in uu yahay qoraa barbarrad ah.

Kalsoonida ayaa qanjaha ku tagi. Mar kasta wax baa kuusii kordhi. Keliya ku raaxeyso in aad tahay qoraa hadda ababbaaya( enjoy being beginner writer)

La soco qodob kale....

Mohamed Haybe