Golaha Guurtida Somaliland Oo Ka Dooday Xeerka Shirkadaha Caymiska
Hargaysa (HWN) Fadhigii
saaka ee mudanayaasha golaha guurtida oo uu shir-guddoominayay gudoomiye ku
xigeenka kowaad ee golaha, mudane Siciid Jaamac Cali ayaa waxa ay ka doodeen
xeerka shirkadaha Caymiska, xeer number 104/ 2022 oo ka soo gudbay golaha
wakiilada Somaliland.
Mudanayaasha dooda ka
qayb qaadanayay ayaa qaar ka mid ah waxa ay soo jeediyeen in xeerka shirkadaha
Caymiska la joojiyo, iyaga oo ku sifeeyay in aanu dan u ahayn bulshada cid gaar
ahna loo xidhay .
Mudanayaasha qaar ayaa
iyaguna waxa ay soo jeediyeen in laga fiirsado ansixinta xeerka Caymiska, isla
markaana uu goluhu guddi u saaro ka soo
talo bixisay xeerka.
Ugu danbayn guddoomiye
ku xigeenka koowaad ee golaha guurtida mudane Siciid Jaamac Cali ayaa ku
wareejiyay xeerka shirkadaha Caymiska guddida dhaqaalaha golaha guurtida si ay
turxaan bixin ugu sameeyaan xeerka, kuna soo celiyaan golaha maalinta Sabtida
ah.