Hargeysa(HWN):-Xukuumada somaliland ayaa shaacisay amar xayiraad ah oo ay ku soo rogtay telefishanka qaranka soomaaliya.

Amar ka soo baxay wasiirka warfaafinta somaliland Maxamed Muuse Diiriye ayaa lagu amray shirkadaha kireeya Risiifarada ay dadweynuhu isticmaalaan inay ka saaraan labada telefishan ee ay xukuumada hore u xayirtay ee Eryal iyo Horyaal24tv.

Sidoo kale amarka uu bixiyey wasiirka warfaafinta somaliland Maxamed Muuse Diiriye ayuu ku war geliyey shirkadaha iska leh risiifaradaasi inay ka saaraan telefishanka soomaaliya oo ka mid ah kuwa laga daawan karo.

Amarka wasiirka wasiirka warfaafinta ayaa ku soo beegmaya iyada oo haatan ay mar kale soomaaliya ka baxday wada hadal ay magaalada Nairobi ku yeelan lahaayeen xukuumada somaliland taas oo aan haba yaraatee shaacin sababaha keenay inay ka baxdo wada hadalkaasi.