Maxamuud Xaashi oo Cambaareeyay Xadhiga Saxafiyad Bushaaro Baanday.
Hargeysa (HWN)
Gudoomiyaha Ururka Isbahaysiga Sinaanta iyo Horumarinta Somaliland ee KAAH,
Maxamud Xaashi Cabdi, ayaa cambaareeyay Xadhiga Saxafiyada Caanka ah ee
Bushaaro Baanday, oo ku xidhan magaalada Hargeysa.
"Waxaan
canbaaraynayaa xadhiga loo geystay saxafiyadda caanka ah, ee Bushaaro Cali
Maxamed Diiriye, oo ku magac dheer (Bushaaro Cali Baande). Suxufiyad Bushaaro,
waxaa xabsiga loo taxaabay, iyada oo aan xadhigeeda loo marin dariiq sharci
(waaran la'aan ama ogolaansho la'aan maxkamadeed). Waxaanay haatan la'dahay
xoriyadeedii iyo xuquuqdeedii muwaadinimo muddo dhan hal usbuuc.
Hab-dhaqankani wuxuu ka
markhaati kacayaa, sida ay xukuumaddu ugu xadgudbayso xuquuqda iyo xoriyaadka
aasaasiga ah ee muwaadiniinta, gaar ahaan saxaafadda madaxa banaan. Mana aha
markii ugu horaysay ee dad suxufiyiin ah lagu xidho aragtidooda xorta ah, balse
waa mid ay dawladda madaxweyne Muuse caadeysatay, isla markaana curfi ka
dhigatay.
Cabudhin, cagajugleyn,
ka cad-goosi iyo cadaalad darro waa cuduradii iyo calaamadihii ay ummadani ka
soo dagaalantay. Mana aha mid cidna laga aqbali karo horeyso iyo dambayso.
Sidaa darteed, waxaan
ugu baaqayaa xukuumadda in sida ugu dhakhsaha badan, xoriyadeeda loogu soo
celiyo suxufidda."
Xafiiska Warbaahinta
Ururka kaah