Fanaanadii Nabadda U Heesi Jirtay Ee Dagaalka Ku Dhimtay
Bartamihii bishii
Maarso, wariyaha BBC da ee Sudan ayaa booqday guriga fanaanad Shaden Muhammad
Al-Hassan oo ku yaalay magaalada Omdurman, si uu u wareysto, warbixinna uga
qaro heesaheeda ka hadla nabadda, ee dhaleeceeya dagaalka iyo fawdada.
Sidii lagu yaqaanaba
waxay ahayd qof soo dhaweyn badan oo furfuran, way aqbashay wareysigii iyada oo
waliba xiiso gaar ah u qabta. Waxay u sheegtay wariyaha in waxyaabaha ay
waligeed ku taami jirtay ay kamid ahaayeen in ay ka soo muuqato BBC da, maadama
ay dadka Sudan intooda badan ku xiran yihiin.
Waxay ka wada hadleen
waqtiga ay kulmi doonaan, si ay isula meel dhigaan goobta iyo waqtiga ay
barnaamijka duubi doonaan. Balse ma uusan ogayn wariyuhu in xilligaas uu ahaa
markii ugu dambeeyay ee ay waligood is arki doonaan.
Madfac habow ah
Sabtidii, taariikhdu
ahayd 13 ka May, Shaden waa ay geeriyootay, kadib markii uu madfac ku dul
habsaday gurigeeda, intii uu socday mid kamid ah iska hor imaadyada Sudan ka
socda ee u dhaxeeya ciidamada dawladda iyo kuwa RSF.
Iyadu waxay isku
dayyasay in ay dagaalka kula dirirto heesaheeda iyo codkeeda, balse waxaa dilay
dagaalka ka qarxay gudaha waddankeeda ee mugdiga galiyay iftiinkii dalkeeda.
Shaden iyo qoyskeedu
waxay gabaad ka dhiganayeen hoygooda intii uu dagaalku socday oo dhan. Nolosha
hammi wayn ayay ka leheed, waxay mar walba ka hadli jirtay in ay u
geeriyoodoonto si Sharaf leh iyada oo ku qortay boggeeda Facebook: "24 maalmood
ayaa xabsi guri ku jirnaa, inaga oo aan haysan biyo iyo cunto midna…bililiqada
guryaha dariska ee socota ayaan u jeednaa, kama cabsaneyno dhimashada meelwalba
nooga hareeraysan, waan soo dhaweyneynaa…alle waxaan ka rajeyneynaa in
dhibtaada dadka ka ilaaliyo”.
Murugo balaaran
Inta badan da’yarta
reer Sudan way jeclaayeen Shaden, bogaga Facebook ga ee da’yarta ayaa isku
badalay tacsi. Kuwa badan oo kamid ah ayaa sawirkeeda saartay wajiga hore ee
ciwaanadooda iyaga oo inkaaraya dagaalka la tagay ruuxdii ay jeclaayeen.
Shaden ma ahayn wax
galkii ugu horeeyay ee dagaalka, fanaaniin waxgarad iyo oradyahano ayaa ku
nafwaayay dagaalka. Atariisho Aasiya Cabdullaahi waxay la dilay maalinkii
labaad eed dagaalka. Tababarihii kooxda Al-hilaal, Fawzi Al-Mardi isaga iyo
gabadhiisa ayaa ku dhibtay dagaalka. Sidoo kale gudaha magaalada Omdurman xabad
habow ah ayaa dhaqtar ku dishay gudaha gurigiisa.
Reer Sudan, si wayn
ayaa uga naxeen ugana baroorteen geerida Shadan. Waxaa la duugay iyada oo gabar
da’yar ah, nolosha u hanqal taageysa.
BBC