Yaan La Dhayalsan Hadalada Ka Soo Yeedhaya Ehelka Laga Dilay Taliye Xabiib.
Hargaysa (HWN)
Xildhibaan Maxamed Abiib oo ka tirsan Golaha Wakiilada Somaliland ayaa usoo
jeediyay xukuumada Muuse Biixi in aanay dhayalsan hadalada ka soo yeedhaya Qoyska
laga dilay taliye Xabeeb oo ka tirsanaa ciidanka ilaalada xeebaha Somaliland oo
maanta lagu aasay Magaalada Boorama.
Taliye Xabeeb ayuu
Maydkiisu ku jiray talaada muddo shan iyo toban cisho ah, iyadoo ehelku
marxuumku doonayeen in la raaciyo Askarigii kale ee dilay taliya.
Xildhibaanka ayaa
qoraal uu baahiyay oo kaga hadlay aaska maanta loosameeyay Marxuumka kuyidhi.
"Ilaahay ha u
naxariisto Marxuum Taliye Khadar Xabeeb oo maanta lagu aasay Borama kadib
markii 10 cisho ka hor gacan ka gardarani ku dishay Lawga.
Ilaahay qoyska qarabada
iyo qarankaba samir iyo iimaan hakiisiiyo.
Inta waxa dheer in
xukuumadu toos u qaadato dardaarankii ehelku qabriga dushiisa ka jeediyeen oo
aanay sahalsan iskuna dayin Meeraysi ee ay fuliso go’aanka laba qaysba
taageeren kii wax laga dilay iyo kii wax dilayba.
Laba waa in hada si
dagdaga xoriyadooda loogu celiyo dhamaan dadkii loo qabqabtay banaanbixii ka
dhashay arintaa iyadna meeraysi uma baahna mana jirto cid ujeedo gaara arintaa
ka lahayd balse meeraysigii Xukuumada ayaa keenay waana waajib dad banaan baxay
marka uu joogsado in lasii daayo.
Qodobka u dambeya
Xukuumadu waa inay si dagdag ah iskaga xilsaartaa inay daryeel iyo dawaba u
sameeyaan Dhaawacyada duqaydii iyo dhalintii maalintii dhawayd ku dhaawacan tay
sigaara waxan ugu soo jeedinaya madaxda xukuumada ee gobalka kasoo jeeda inay
xilgaara iska saraan dhaman qodobadan. Kadibna nabad niyad saman lagu wada xuso
18 may.”