Xildhibaan Sheegay Inay Puntland Qorshaynayso Dagaal Ka Dhan Ah Somaliland
Hargaysa (HWN) Xildhibaan
Mohamed Hussein Jama Raamboo oo ka tirsan golaha wakiilada Somaliland ayaa
sheegay in Maamulka Puntland uu qorshaynayo in uu weerar ku soo qaado
Somaliland bishan May ee aynu ku jirno, sida uu ku sheegay xildhibaanku
qoraalkan hoose oo uu baahiyay.
"Madaxwaynaha Puntland
waxa uu ku hanjabay inuu dagaal ku soo qaadayo Somaliland bishan May gudaheeda.
Marka hore, hadalkaasi
waa qiraal cad oo uu ku qiranayo in maamulkiisa colaad u joogga ahi uu huriyay
dhibaatada ka socota Laascaanood.
Marka labaad, waxa uu
cadayn u yahay in Puntland ay soo qaadayso weerar bishan May gudaheeda oo ay ku
tahay weerar ciidanka qaranka iyo shacabka Somaliland ee ku sugan gobalka Sool,
gaar ahaan Laascaanood.
Hadalkiisu waxa uu
marag muujin u yahay cadaymihii ay hore dawlada Somaliland u soo bandhigtay ee
ay ku sugtay in Puntlad ay tahay cidda wada colaadda Laascaanood ee doonaysa in
aan deegaankaasi degin oo yeelan xasilooni uu ku badhaadho.
Maamulka Puntland ee
taagta darani ma gaadhi karo guul ciidan si kasta oo uu weerar u soo qaado,
balse waxa uu doonayaa in aanay magaalada Laascaanood degin oo aanay shacabka Laascanood ku soo noqon
magaaladoodii.” Xildhibaan Mohamed Hussein Jama