Ra'iisul Wasaarihii Hore Ee Pakistan Imran Khan Oo Xabsiga Loo Taxaabay
Ra'iisul wasaarihii
hore ee Pakistan Imran Khan ayaa waxaa xabsiga u taxaabay saraakiil ka tirsan
ciidamada qalabka sida xilli uu ku sugnaa afaafka hore ee maxkamadda sare ee
caasimadda Islamabad.
Mr Khan ayaa ka soo
hormuuqday maxkamada isagoo lagu eedeyay musuq maasuq, halka uu ku dooday in
eedeyntaasi ay salka ku heyso arrimo siyaasadeed.
Wararka ayaa sheegaya
in Mr Khan ay xireen ciidamada oo wata gawaarida gaashaaman kadib markii uu
gudaha u galay dhismaha maxkamada.
Waxaa xilka RW laga
tuuray bishii April ee sanadkii hore, waxa uuna tan iyo markaas u ololeynayay
doorashooyinka in la qabto xilli hore.
Doorashada guud ee
dalka Pakistan ayaa lagu wadaa in la qabto dabayaaqada sanadkan.
Tobaneeyo kiis ayaa
lagu soo oogay Mr Khan tan iyo markii xukunka laga tuuray.
Ciidamada amaanka ayaa
dhowr jeer oo hore isku dayay in ay ku xiraan hoyga uu ka degan yahay magaalada
Lahore, balse waxaa hor istaagay taageerayaashiisa.
Bishii Nofembar ee la
soo dhaafay ayuu ka badbaaday weerar lagu qaaday kolonyo uu la socday xilli uu
mudaaharaadayay.